މިހާރު އޮތް ސަރުކާރަކީ ހޮޅި ވެރިކަމެއްގެ ހުރިހާ ސިފައެއް އެކުލެވޭ ވެރިކަމެއް ކަމަށް، ޕީޕަލްސް ނޭޝަނަލް ފްރޮންޓު (ޕީއެންއެފް) އުފެއްދުވުމުގައި އިސްކޮށް ހަރަކާތްތެރިވާ މުހައްމަދު މަލީހު ޖަމާލު ވިދާޅުވެއްޖެއެވެ.

މަލީހުގެ ފާޑުކިޔުން ސަރުކާރަށް އަމާޒުކުރެއްވި އެކްސްގައި ކުރެއްވި ޕޯސްޓެއްގައެވެ.

އެގޮތުން މަލީހު ވިދާޅުވީ، މިިހާރު ފެންނަމުންދާ އެންމެ ހެއްވާ މަންޒަރަކީ ރައީސް ޑރ. މުހައްމަދު މުއިއްޒު، ރައީސް މުއިއްޒު ކުށްވެރިކުރާ މަންޒަރު ކަމަށެވެ. އެގޮތުން ރައީސް މުއިއްޒު އުނބަށް ޖެއްސެވުމާ ވަޢުދުތައް މަތީން ހަނދާންނެތުމުގެ އިތުރުން ދުޝްމަނުންނާއި ރަހުމަތްތެރިން ވަކިކުރަން ނޭގުން، މިއީ މިހާރަށް ބަލާއިރު ވަރަށް އާންމުކަންކަން ކަމަށް ވިދާޅުވެ މަލީހު ވަނީ އެއީ ހުސް ތާކުންތާކު ނުޖެހޭ ސަރުކާރެއްގެ ފަރާތުން ފެންނާނެ ކަންކަމަށް ވިދާޅުވެފައެވެ.

މަލީހު ރައީސް މުއިއްޒު، ރައީސް މުއިއްޒު ކުށްވެރިކުރާ ވާހަކަ ދަންނަވާ މަޖާޒީ ގޮތަށް އެ އިޝަރާތް ކުރެއްވީ ބެލެވޭ ގޮތުގައި ދާދި ަފހުން، ތިމަރަފުށި ދާއިރާއަށް ވާދަ ކުރާ އަހުމަދު ރިޔާޒުގެ ބޭބެ މިހާރު އެ ދާއިރާގެ މެމްބަރު އަބްދުﷲ ރިޔާޒު އެދިގެން ރައީސް މުއިއްޒުގެ ސަރުކާރުން، ބަންދުގައި ހުރި މީހަކު ދުކޮށްލި މައްސަލައިގައި ރައީސް މުއިއްޒު އެކަން ކުށްވެރިކޮށް އެއީ ވެގެންވާނެ ކަމެއް ނޫން ކަމަށް ވިދާޅުވެފައިވާ ވިދާޅުވުމަށެވެ.