އިމިގްރޭޝަން ކޮންޓްރޯލާ މުހައްމަދު ޝައްމާން ވިދާޅުވާގޮތުން ގަވާއިދާ ހިލާފަށް ދިވެހިރާއްޖޭގައި އުޅުނު 900 ވުރެށް ގިނަ ބިދޭސިން ޑީޕޯޓް ކުރެވިއްޖެ.
"ޤަވާއިދާ ހިލާފަށް އުޅޭ ބިދޭސީން ރާއްޖެއިން ބޭރު ކުރުމަށް ވަރަށް ބާރަށް އިމިގްރޭޝަނުން މަސައްކަތްތައް ކުރިއަށް އެބަ ގެންދޭ، ކޮންމެ ހަފްތާއަކު ބޮޑެތި ދެތިން ރެއިޑް އޮޕަރޭޝަން އެބަ ހިންގާ ގަވައިދާ ހިލާފަށް އުޅޭ މީހުން މަދުކުރުމަށް. މިހާރު 900 އަށް ވުރެ ގިނަވާނެ ގަވާއިދާ ހިލާފަށް އުޅޭ ބިދޭސީން ޑީޕޯޓް ކުރި އަދަދު،"
އިމިގްރޭޝަން ކޮންޓްރޯލާ މުހައްމަދު ޝައްމާން
ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް ކުރެވޭ މަސައްކަތުގެ ތެރެއިން ބިދޭސީން ގެނެވޭ މެކޭނިޒަމްގެ ތެރެއިން އެކައުންޓެބިލިޓީ ހަރުދަނާ ކުރާނެ ކަމަށް ވަޒީރު އިހުސާން ވަނީ ވިދާޅުވެފައެވެ. އަދި ކުރިއަށް އޮތް ތަނުގައި، ގަވައިދާ ހިލާފަށް އުޅޭ މީހުންނަށް އަމިއްލަ އިހްތިޔާރުގައި ރާއްޖެ ދޫކޮށް ދިއުމަށް ހުޅުވާލާނެ ކަމަށް ވެސް ވަޒީރު ވަނީ ވިދާޅުވެފައެވެ.
އިހުސާން އިތުރަށް ވިދާޅުވީ ކައުންސިލްތަކާއި ފުލުހުން މެދުވެރިކޮށް ރާއްޖޭގައި ތިބި ބިދޭސީން އިނގިލީގެ ނިޝާން ނަގައި އެ ލެވެލްއަށް ދެނެގަތުމުގެ މަސައްކަތް ކުރަމުންދާ ކަމަށާއި އެ މަސައްކަތަށް ސޮފްޓްވެއާ ޑިޒައިން ކުރުމުގެ މަސައްކަތް ކުރަމުންދާ ކަމަށެވެ.
ވަޒީރު ވިދާޅުވީ އަމާޒަކީ އެއް އަހަރު ދުވަސްތެރޭގައި ރާއްޖޭގައި ތިބި ހުރިހާ ބިދޭސީންގެ އިނގިލީގެ ނިޝާން ނެގި، އެމީހުންނަކީ ގާނޫނީ އިމުގެ ތެރެއަށް ވެއްދިފައި ތިބި މީހުންކަން ކަށަވަރު ކުރުން ކަމަށެވެ.
