ރޯދަމަހުގެ ފަހު ދިހައެއްގައި މާލެ ސަރަހައްދުގެ 32 މިސްކިތެއްގައި ޖަމާއަތު ގައި ދަމު ނަމާދުކުރާނެ ކަމަށާ އިއުތިކާފަށް ތިބެން 16 މިސްކިތެއް ހަމަޖައްސާފައިވާ ކަމަށް އިސްލާމިކް މިނިސްޓްރީން ބުނެފިއެވެ.

ކޮންމެ އަހަރަކު ވެސް ރޯދަމަހުގެ ފަހު ދިހައެއް ގައި މާލެ ސަރަހައްދުގައި ދަމު ނަމާދު ކުރާނެ މިސްކިތްތަކާއި އިއުތިކާފަށް ތިބޭނެ މިސްކިތްތައް ކަނޑައަޅައެވެ.

މިނިސްޓްރީން ބުނީ މާލޭގެ 18 މިސްކިތަކާއި ވިލިމާލޭގެ ތިން މިސްކިތަކާއި ހުޅުމާލޭގެ 11 މިސްކިތެއްގައި ދަމު ނަމާދު ކުރާނެ ކަމަށެވެ. އެ މިސްކިތްތަކަކީ، އިސްލާމީ މަރުކަޒު، މަސްޖިދު މަލިކި ސަލްމާން، ވިޔަފާރިވެރިންގެ މިސްކިތް،  ބަންޑާރަ މިސްކިތް، ދުނބުރި މިސްކިތް،  ތައިބާ މިސްކިތް، މާވެޔޮ މިސްކިތް، މަސްޖިދުއް ސަލާހުއްދީން، ފުރުގާން މިސްކިތް، ޖަލާލުއްދީން މިސްކިތް، ނޫރު މިސްކިތް،  އިބްރާހިމް މިސްކިތް، ޝަހީދު އަލީ މިސްކިތް، އިސްކަންދަރު މިސްކިތް، ފަނޑިޔާރު މިސްކިތް، ރަން މިސްކިތް، ފައިފުހޭ މިސްކިތް،  މާފަންނު އާ މިސްކިތް، ސަލާމް މިސްކިތް، އިހްލާސް މިސްކިތް، ބިއްރި މިސްކިތް،  ވައްގުއްބު މިސްކިތް، އަޒީޒާ މިސްކިތް، އުމަރު ބުނުލް ހައްތާބު، ވާލިދައިނި މިސްކިތް، ހުޅުމާލޭ ވަގުތީ މިސްކިތް، ރަޝީދު މިސްކިތް، އަސްދިގާ މިސްކިތް، މުހައްމަދު މިސްކިތް، ހަސަން އާދަމް މިސްކިތް، އުސްމާން ބިން އައްފާން އަދި އަބީބަކުރުއައްއްސިއްދީގު މިސްކިތެކެވެ.

16 މިސްކިތެއް ކަނޑައަޅާފައިވާއިރު އޭގެ ތެރޭގައި ހިމެނެނީ ،އިސްލާމީ މަރުކަޒާއި ވިޔަފާރިވެރިންގެ މިސްކިތާއި ފުރުގާން މިސްކިތާއި ޖަލާލުއްދީން މިސްކިތާއި ޝަހީދު އަލީ މިސްކިތާއި ނޫރު މިސްކިތާއި ފަނޑިޔާރު މިސްކިތާއި މާވެޔޮ މިސްކިތާއު އިހްލާސް މިސްކިތާއި ވައްގުއްބު މިސްކިތާއި އަޒީޒާ މިސްކިތާއި ރަޝީދު މިސްކިތާއި އައްސިއްދީގު މިސްކިތާއި ހަސަން އާދަމް މިސްކިތާއި އަމީލް ޖަލީލް މިސްކިތެވެ.