މި އަހަރު ރާއްޖެއަށް ހޫނުގަދަ މޫސުން ކުރިމަތި ވުމުގެ ކުރިން ހޫނަށް ތައްޔާރުވުމަށް މެދުކެނޑުމެއް ނެތި ރައްޔިތުންނަށް ކަރަންޓުގެ ހިދުމަތް ލިބޭނެ އިންތިޒާމު ހަމަޖެއްސުމަށް ސްޓޭޓް އިލެކްޓްރިކް ކޮމްޕެނީ- ސްޓެލްކޯއިން ދެ ޖަނެރޭޓަރު ސެޓު ގެނެސްފިއެވެ.

އެކްސްގައި ކުރި ޕޯސްޓެއްގައި ސެޓެލްކޯއިން ބުނީ، މި އަހަރުގެ ޕީކް ސީޒަނަށް ތައްޔާރުވުމަށްޓަކައި، ގެނައުމަށް ހަމަޖެހިފައިވާ ޖެނަރޭޓަރު ސެޓްތަކުގެ ތެރެއިން 1.6 މެގަވޮޓްގެ ދެ ހައިސްޕީޑް ކޮންޓެއިނާ ޖަނަރޭޓަރު ސެޓުރާއްޖޭއަށް ގެނެވި، ޖެނެރޭޓަރު ބެހެއްޓުމުގެ މަސައްކަތް ފަށާފައިވާކަމަށެވެ.

ޕީކް ސީޒަންގެ ކުރިން މީގެ އިތުރު 2 ޖަނަރޭޓަރު ގެންނަން ހަމަޖެހިފައިވާކަމަށްވެސް އެ ކުނުފިން ވަނީ ބުނެފައިއެވެ. އަދި މި ދެ ޖެނެރޭޓާރު ސެޓާއެކު ޖުމްލަ 6.4 މެގަވޮޓް ޕަވަރ ޖަނަރޭޝަން ކެޕޭސިޓީއަށް އިތުރު ކުރެވިގެންދާނެކަމަށްވެސް އެ ކުނުފުނިން ވަނީ ބުނެފައިއެވެ.

އަދި މީގެ އިތުރުން، ޕީކް ސީޒަންގައިވެސް ރައްޔިތުންނަށް މެދުނުކެނޑި 24 ގަޑި އިރު ކަރަންޓުގެ ޚިދުމަތް ފޯރުކޮށްދެވޭނެ ކަމުގެ ޔަގީންކަމާއި އެކު، މާލެ ސަރަހައްދުގެ ޕަވަރ ސެކިއުރިޓީ އިތުރުކުރެވިގެންދާނެކަމަށްވެސް ސްޓެލްކޯއިން ވަނީ ބުނެފައިއެވެ.

ސްޓެލްކޯއިން މިފަދަ ފިޔަވަޅުތައް އަޅަމުންދަނީ އެ ކުންފުނީގެ ދަރަނީގެ މައްސަލަ އަދި ކޮރަޕްޝަންގެ އެތައް މައްސަލައެއް ފެންމަތިވެފައިއޮތް ދަނޑިވަޅެއްގައިކަން ފާހަގަކޮށްލެެވެއެވެ.