ރައީސް އަބްދުﷲ ޔާމީން އަބްދުލް ގައްޔޫމް މިނިވަން ނުކުރައްވާ ކަމުގައިވާނަމަ، މަގުމަތީގެ ހަރަކާތްތަކާއި މުޒާހަރާތައް ފަށާނެ ކަަމަށް ޕީޕަލްސް ނެޝަނަލް ފްރަންޓު (ޕީއެންއެފް) އިން ބުނެފިއެވެ.

މިފަދައިން ޕާޓީގެ ފަރާތުން ވިދާޅުވެފައިވަނީ ޕާޓީ އުފެއްދުމަށް ހުއްދަ އިލެކްޝަންސް ކޮމިޝަނުން ދިނުމާ ގުޅިގެން ބޭއްވި ނޫސްވެރިންގެ ބައްދަލުވުމުގައި މުހައްމަދު މަލީހް ޖަމާލް އެވެ.

އެގޮތުން މަލީހް ވިދާޅުވީ މަޖިލިސް އިންތިހާބުގައި އޮތީ ރައީސް ޑރ. މުހައްމަދު މުއިއްޒު ނޫން ގޮތެއް ކަަމަށާއި، އެގޮތަށް ކަންތައް ކުރަން ޖެހެނީ އެމަނިކުފާނު ރައްޔިތުންނަށް ދޮގު ހައްދަވާފައިވާތީ ކަމަށެވެ.

މަލީހް އިތުރަށް ވިދާޅުވީ،ރައީސް ޔާމީން މިނިވަން ނުކުރައްވާ އެގޮތަށް ތަކުރާރު ކުރައްވާނަމަ މަގުމަތީ ހަރަކާތްތައްވެސް ފަށާނެ ކަމަށެވެ.

އަދި ރައީސް އޮފީސް ދޮށަށް ދާން ޖެހިއްޖެނަމަ އެކަންވެސް ކުރާނެ ކަމަށްވެސް މަލީހް ވަނީ ވިދާޅުވެފައެވެ.