އއ. ރަސްދޫގައި ގަނާ ކުރި ކުއްޖާ އިތުރު ކުއްޖަކަށް އަނިޔާ ކުރާ މަންޒަރު ފެންނަ ވީޑިއޯއެއް މީސްމީޑިއާގައި ދައުރުވާންފަށައިފިއެވެ.
ރަސްދޫ އިން ޗެނަލް 13 އަށް މައުލޫމާތު ދިން ފަރާތުން ބުނީ މި ވީޑިއޯއަކީ މީގެ ދޮޅުމަސް ކުރީގެ ވީޑިއޯއެއްކަމަށެވެ.
އެ ވީޑިއޯއިން ހުކުރު ދުވަހު އެރަށު މިސްކިތެއްގެ ތެރޭގައި ކުއްޖަކަށް އަނިޔާ ކުރި ދެ ކުދިންގެ ތެރެއިން އެއް ކުއްޖަކު ފެނެއެވެ.
މި ވީޑިއޯއިން ފެންނަ ގޮތުގައި އަނިޔާކުރާ ކުއްޖާއަށް އަނިޔާ ކޮށްފައިވަނީ ރަސްދޫގެ ޔޫތު ސެންޓަރު ތެރޭގައެވެ.
އަދި ވީޑިއޯއިން އެ ފިރިހެން ކުއްޖާ ދެން ހުރި ފިރިހެން ކުއްޖާ ފައިގައި އަޅުވައި ބިންމައްޗަށް ވައްޓާލާ މަންޒަރު ފެނެއެވެ.
ހުކުރު ދުވަހުގެ ރޭ އިރާކޮޅު ސޯޝަލް މީޑިޔާގައި ދައުރުވާން ފެށީ ވީޑިއޯއަކުން ފެނިގެން ދިޔައީ ކުޑަ ކުއްޖަކަށް މިސްކިތެއްގެ ފާޚާނާ ތެރޭގައި ބަހައްޓައިގެން އަދި އެހެން ކުދިންތަކެއް އަނިޔާކޯށް ގަނާ ކުރާ މަންޒަރެވެ.
އެ ކުޑަ ކުއްޖާއަށް 16 ފަހަރެއްގެ މަތިން އަތުންނާ ފައިން އަނިޔާކޮށް އެކުއްޖާގެ ޖިންސީ ގުނަވަނަށްވެސް އަނިޔާދިފައިވެއެވެ. މީގެ އިތުރުން މަޖްބޫރުން ކުޑަ ކަކޫ ޖައްސުވާ އެކުއްޖާ ބޮލަށް ބޯން ގެންގުޅޫނު ފެންފުޅިވެސް އަޅާ މަންޒަރު ފެނިގެން ދެއެވެ.
މިކަން ދިވެހި ފުލުހުންގެ އިދާރާގެ ސަމާލުކަމަށް އައުމުން ސީރިއަސް މައްސަލައެއްގެ ގޮތުގައި އެކަން ބަލަން ފަށާ ކުޑަ ވަގުތުކޮޅެއްގެ ތެރޭގައި އެކަން ކުރި ބަޔަކު ދަނެގަނެ މައްސަލަވަނީ ބަލަން ފަށާފައެވެ.
