އުމްރާގެ އަޅުކަން ކުރުމަށްޓަކައި ގޮސް އުޅުން ދިވެހި އަންހެނަކު ނިޔާވެއްޖެއެވެ.
ނިޔާވެފައިވަނީ މާލެއަށް ނިސްބަތްވާ އުމުރުން 67 އަހަރުގެ ނަޝީދާ ހުސައިން ކަމަށް ވަނީ މައުލޫމާތު ލިބިފައެވެ.
އޭނާ ނިޔާވެފައި ވަނީ ހޮނިހިރު ދުވަހުގެ ވަގުތެއްގައެވެ.
ނަޝީދާ އުމްރާގެ އަޅުކަން އަދާ ކުރަން ދިޔައީ އަލް މަނާސިކް ހައްޖު އުމްރާ ގްރޫޕްގެ ހަވާލުގައެވެ.
އޭނާގެ މައްޗަށް ކަށުނަމާދު ކުރުން އޮތީ މިއަދު މެންދުރު ނަމާދަށް ފަހު މައްކާގެ އަލް މަސްޖިދުލް ޙަރަމްގައެވެ.
އުމްރާއަށް ގޮސް އުޅެނިކޮށް މިދިޔަ ޑިސެމްބަރު 25 ވަނަ ދުވަހުވެސް މީހަކު ނިޔާވެފައި ވެއެވެ.
އެގޮތުން ނިޔާވެފައި ވަނީ ހދ. ހަނިމާދޫ، އަލަމާގެ، ޚާލިދް އިބްރާހިމެވެ.
