ހާއްސަ އެހީއަށް ބޭނުންވާ ފަރާތްތައް ތަމްސީލުކުރަން ޖަމިއްޔާއެއް ހޯދަން އިލެކްޝަންސް ކޮމިޝަން- އީސީއިން އިއުލާނުކޮށްފިއެވެ.
ހާއްސަ އެހީއަށް ބޭޏުންވާ ފަރާތްތައް ތަމްސީލުކުރަން ޝައުގުވެރިވާ ޖަމިއްޔާތަކުން ފޯމު ހުށަހެޅުމަށޤ ހަމަޖެހިފައިވާ ވަގުތަކީ މިމަހު 28 ވަނަ ދުވަހުގެ 14:00 ގެ ނިޔަލަށްކަމަށް އީސީއިން ވަނީ ހާމަކޮށްފައިއެވެ.
އެ ކޮމިޝަނުން ވަނީ ހާއްސަ އެހީއަށް ބޭނުންވާ މީހުން ތަމްސީލުކުރަން ފޯމު ހުށަހަޅާ ހުރިހާ ޖަމިއްޔާތަކެއްގެ ޕްރޮފައިލެއް ހުށަހެޅުމަށްވެސް އެދިފައިއެވެ.
ރާއްޖޭގައި ބޭއްވިގެންދާ އިންތިޚާބުތަކުގައި ހާއްސަ އެޙިއަށް ބޭނުންވާ ފަރާތްތަކަށް ހާއްސަ ސަމާލުކަމެއް ދެއެވެ. ނިމިދިޔަ އަހަރުން ފެށިގެން ދިވެހި ރާއްޖޭގައި ލޯފަން މީހުންނަށް ބްރެއިލް ބޭނުން ކޮށްގެން ވޯޓު ލެވޭ ނިޒާމު ވަނީ ތައާރަފްކޮށްފައިއެވެ.
ނިމިދިޔަ އިންތިޚާބުތަކުގައިވެސް ނުކުޅެދުންތެރިކަން ހުންނަ ފަރުދުން ތަމްސީލުކުރުމަށް އީސީއިން ހޮވާފައިވަނީ ހާއްސަ އެޙިއަށް ބޭޏުންވާ މީހުންގެ ކައުންސިލެއްކަން ފާހަގަކޮށްލަން ޖެހެއެވެ. ނަމަވެސް މި އިންތިޚާބުގައ ނުކުޅޭދުންތެރިކަން ހުންނަ ފަރުދުން ތަމްސީލުކުރަން މިވަނީ ޖަމިއްޔާތަކަށް ހުށަހަޅާފައިއެވެ.
