ރައީސް އަބްދުﷲ ޔާމީން އަބްދުލްގައްޔޫމް އިސްވެ ހުންްނަވާ އުފެއްދި ޕީޕަލްސް ނެޝަނަލް ފްރޮންޓް (ޕީއެންއެފް) ގެ ލޯގޯ އަދި ދިދަ ދައްކާލައިފިއެވެ.
ޕީއެންއެފްގެ ވަގުތީ ސެކްރެޓަރީ ޖެނެރަލް މަލީހު ޖަމާލް އެކްސްގައި ކުރެއްވި ޕޯސްޓެއްގައި ވަނީ ޕާޓީގެ ލޯގޯއާއި ދިދަ އާންމުކޮށްފައެވެ.
ލޯގޯގައި ހިމެނެނީ ތަރިއެއްގެ ތެރޭގައި އިން ހުޅެވި ހަނދެކެވެ.
ދިދައިގައި ހިމެނޭނީ ގުރާފެހި ކުލައާއި ނޫ ކުލައެވެ.
ޕީއެންއެފް އުފެެއްދުމަށް ބޭއްވި ޖަލްސާގައި ޕާޓގެ ވަގުތީ ރައީސެއްގެ ގޮތުގައި ހަމަޖައްސާފައިވަނީ ރައީސް ޔާމިންގެ ދަރިކަލުން ޒޭން އަބްދުﷲ ޔާމީންއެވެ.
ވަގުތީ ހިންގާ ކޮމެޓީގައި 20 މެމްބަރުން ހިމެނޭއިރު އެ ކޮމެޓީގައި ރައީސް ޔާމިންވެސް ހިމެނިވަޑައިގަންނަވައެވެ.
ޕީއެންއެފް އުފެއްދުމުގެ ޖަލްސާއަށް ސަރުކާރުން ވަނީ ހުރަސް އަޅާފައެވެ. އެހެންނަމަވެސް ޕީއެންއެފް ވަނީ ޖަލްސާ ކަނު އަނދިރީގައި ބާއްވާފައެވެ.
