ކުރިޔަށް އޮތް 20 ވަނަ ރައްޔިތުންގެ މަޖިލިސް އިންތިޚާބްގައި ވޯޓުލާ ވަގުތު އިތުރުކޮށްފިއެވެ.

އިލެކްޝަންސް ކޮމިޝަން (އީސީ) ން ބުނީ ވޯޓުލާ ވަގުތު އިތުރުކުރުމަށް ނިންމީ އެ ކޮމިޝަނުގެ ޖަލްސާއަށް ފަހުގައި ކަމަށެވެ.

އެގޮތުން ވޯޓުލާ ގަޑި ހެނދުނު 8:00 އިން ހަވީރު 17:30 އަށް އިތުރު ކޮށްފައިވާ ކަމަށް އީސީން ވަނީ އިއުލާންކޮށްފައެވެ.

އެގޮތަށް ކޮމިޝަނުން ނިންމާފައިވަނީ މޫސުމަށް ބެލުމަށްފަހު ވިއްސާރަ ވެދާނެތީ ނުވަތަ މާ ބޮޑަށް ހޫނު ގަދަވެދާނެތީ، ހަވީރަށް ވީހާވެސް ގިނަ ވަގުތު ދިނުމަށް ކަމަށް ވެސް އީސީން ވަނީ ބުނެފައެވެ.

މަޖިލީސް އިންތިހާބު އޮންނާނީ އެޕްރީލް 21 ވާ އާދީއްތަ ދުވަހުގައި ކަމަށް އީސީން ވަނީ ބުނެފައެވެ.

އިންތިހާބު އޮންނަ ދުވަހާއި ހަމައަށް 18 އަހަރުފުރޭ މީހުންނާއެކު ވޯޓު ލެވޭ މީހުންގެ ޖުމްލަ އަދަދު 284،663 އަށް އަރާއިރު އެއީ 145،302 ފިރިހެނުންނާއި، 284،663 އަންހެނުންނެވެ.