މާލެ ސިޓީއަށް މިއަދު އިހުސާސްކުރެވޭ ހޫނުމިން 46 ޑިގްރީ ސެލްސިއަސް އަށް އަރާ ކަމަށް މޫސުމާ ބެހޭ ގައުމީ އިދާރާ (މެޓް) އޮފީހުން ބުނެފިއެވެ.

މިއަދު 14:00 އާ ހަމަޔަށް ރާއްޖޭގެ އެކި ކަންކޮޅުތަކުގައި ފިނިހޫނުމިން ހުރި މިންވަރާއި އިހްސާސް ކުރެވޭނެ ކަމަށް ލަފާ ކުރެވޭ ފިނިހޫނުމިން ހުރި ވަރުގެ ތަފްސީލްތައް އެ އިދާރާ އިން ވަނީ އާންމުކޮށްފައެވެ.

މެޓް އޮފީހުން އާންމުކޮށްފައިވާ މައުލޫމާތަށް ބަލާއިރު، ހދ. ހަނިމާދޫގެ އިހުސާސްކުރެވޭ ފިނިހޫނު މިން ހުރީ 42.8 ޑިގްރީ ސެލްސިއަސްގައެވެ.

ލ. ކައްދޫގެ އިހުސާސްކުރެވޭ ފިނިހޫނުމިން ހުރީ 38.6 ޑިގްރީ ސެލްސިއަސްގައެވެ.

އަދި ސ. ގަމުގެ އިހުސާސްކުރެވޭ ފިނިހޫނުމިން 31.6 ޑިގްރީ ސެލްސިއަސްގައި ހުރި އިރު ގދ. ކާޑެއްދޫގެ ފިނިހޫނު މިން ހުރީ 31.2 ޑިގްރީ ސެލްސިއަސްގައެވެ.

ކޮންމެ ދުވަހަކުވެސް އެންމެ ހޫނު ގަދަވާ ކަމަށް ފާހަގަކުރެވެނީ މެންދުރުފަހު 14:00 ގައި ކަމަށް މެޓް އޮފީހުން ވަނީ ބުނެފައެވެ.