މެދުރާއްޖެ ތެރެ އާއި ދެކުނުގެ އަތޮޅުތަކަށް މިއަދު ވިއްސާރަ ކުރާނެ ކަމަށް މޫސުމާ ބެހޭ ގައުމީ އިދާރާ (މެޓް) އިން ބުނެފިއެވެ.

މެޓުން ބުނީ މެދުރާއްޖެ ތެރެ އާއި ދެކުނުގެ ހިސާބުތަކަށް ވިއްސާރަ ކުރުމާ އެކު ގުގުރާނެ ކަމަށެވެ.

އަދި ބައެއް ރަށްތަކަށް ބޯކޮށް ވާރޭ ވެހުން އެކަށީގެންވާ ކަމަށް ވެސް މެޓުން ވަނީ ބުނެފައެވެ.

ހުޅަނގު ދެކުނާއި ހުޅަނގުން ގަޑިއަކު ފަސް މޭލާއި 15 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް ލަފާ ކުރެވޭނެ ކަމަށްވެސް މެޓުން ވަނީ ބުނެފައެވެ.

އެހެންނަމަވެސް ރާއްޖޭގެ އުތުރަށް މޫސުން ރަނގަޅުވާނެކަމަށް މެޓުން ވަނީ ބުނެފައެވެ.