ރައީސް އަބްދުﷲ ޔާމީންގެ ރިޔަސަތުގައި ޕީޕަލްސް ނެޝަނަލް ޕްރޮންޓު (ޕީއެންއެފް)ގެ ފުރަތަމަ ސެނެޓު ބައްދަލުވުން ބާއްވައިފިއެވެ.

ހޮނިހިރު ދުވަހު ދަ ފްރޮންޓު އޮފީހުގައި ބޭއްވި އެ ބައްދަލުވުމުގައި ޕާޓީގެ ވަގުތީ ރައީސް ޒޭން އަބްދުﷲ ޔާމީން ވެސް ބައިވެރިވެވަޑައިގެންނެވިއެވެ.

ބައްދަލުވުން އިއްޔެ ވަގުތެއްގައި  ބޭއްވިކަން އެ ޕާޓީގެ ސެކެޓްރީ ޖެނެރަލް މަލީހް ޖަމާލު ރޭ ކުރެއްވި އެކްސްގައި ކުރެއްވި ޕޯސްޓެއްގައި ވަނީ ހާމަކުރައްވައިފައެވެ.

ޕީއެންއެފް ސެނެޓް ފުރަތަމަ ބައްދަލަވުމުގައި ޕާޓީގެ ހަތަރު ކޮމެޓީއަކަށް މެމްބަރުން އައްޔަން ކޮށްފައިވާ ކަމަށެވެ.  އެ ކޮމިޓީތަކަކީ:

•  ސުލޫކީ ކޮމެޓީ

•  އިސްތިއުނާފު ކޮމެޓީ

•  އީސީ ކޮމެޓީ

•  މެމްބަރު އެފްއާޒް ކޮމިޓީ އެވެ.

މި ބައްދަލުވުމުގައި ރައީސް ޔާމީން ރިޔާސަތު ބެލެެހެއްޓެވީ ސެނެޓުގެ ރުހުމާ އެކުއެވެ.

ޕީއެންއެފް އުފެއްދީ ޕީޕީއެމް ތެރެއިން ރައީސް ޔާމީނަށް ސިޔާސީ މަސައްކަތްކުރުމަށް ހުރަސް އެޅުމާ ގުޅިގެންނެވެ. ޕާޓީ އެމަނިކުފާނުގެ ދޮށީ ދަރިކަލުންގެ ނަމުގައި އުފެއްދީ އެމަނިކުފާނު އޭރު ހުކުމެއްގައި ބަނދެފައި ހުރުމުންނެވެ.