ކ. ތުލުސްދުއަށް ޗުއްޓީހޭދަކުރަން ގޮސް އުޅުނު އިޒްރޭލުގެ ފަތުރުވެރިއަކު އެ ރަށުން ބާލައިފިއެވެ.
މި އަންހެން ފަތުރުވެރިޔާ އެ ރަށުން ބާލާފައިވަނީ އެރަށު ރައްޔިތުން އެއްވެގެންނެވެ. އޭނާއަކީ އިޒްރޭލު މީހެއްކަން އެނގުމުން ރަށު ރައްޔިތުން ގެސްޓްހައުސްގެ ވެރިމީހާއާ ވާހަކަ ދެއްކި ކަމަށް މަޢުލޫމާތު ލިބެއެވެ.
އަދި، ގެސްޓްހައުސްގެ ވެރިމީހާގެ ފަރާތުން ވެސް އޭނާ ބާލުއްވަން އެއްބާރުލުން ލިބުނު ކަމަށާއި އެންމެ ފުރަތަމަ އޮތް ލޯންޗުން އޭނާ ހުޅުލެއަށް ފޮނުވާލާފާވެއެވެ.
ތުލުސްދޫއަކީ ރާޅާއެޅުމަށް މަގުބޫލު މަންޒިލަކަށްވާއިރު މިއީ އިޒްރޭލު ފަތުރުވެރިންގެ މެދުގައި ވެސް މަގުބޫލު މަންޒިލެކެވެ. ނަމަވެސް، މި ރަށަށް އިޒްރޭލު ފަތުރުވެރިން އެރުން މަނާކުރީ، މިދިޔަ އަހަރު އިޒްރޭލުން ފަލަސްތީނާ ދެކޮޅަށް ފެށި ހަނގުރާމައިގެ ސަބަބުންނެވެ.
މިދިޔަ އަހަރުގެ އޮކްޓޫބަރު މަހުގެ ހަތްވަނަ ދުވަހު އިޒްރޭލުން ފެށި ގަތުލުއާންމުގައި މިހާތަނަށް ފަލަސްތީނުގެ 50،000 އަށްވުރެ ގިނަ މީހުން ވަނީ ޝަހީދުކޮށްލައިފައެވެ.
