ދިވެހިރާއްޖޭގައި އިހުސާސްކުރެވޭ ފިނި ހޫނުމިން 40 ޑިގްރީ ސެލްސިއަސް އިން މަތީގައިވާ ކަަމަށް މޫސުމާއި ބެހޭ ގައުމީ އިދާރާ (މެޓް) އިން ބުނެފިއެވެ.

މިއަދު 11:00 ގައި ރާއްޖޭގެ އެކި ކަންކޮޅުތަކުގައި ފިނިހޫނުމިން ހުރި މިންވަރާއި އިހްސާސް ކުރެވޭނެ ކަމަށް ލަފާ ކުރެވޭ ފިނިހޫނުމިން ހުރި ވަރުގެ ތަފްސީލްތައް މެޓުން ވަނީ އާންމުކޮށްފައެވެ.

މާލެ ސިޓީއަށް ފިނިހޫނުމިން 33 ޑިގްރީ ސެލްސިއަސްގައި ހުރިއިރު، އިހުސާސް ކުރެވޭ ފިނިހޫނުމިން ހުރީ 44.8 ގައެވެ.

މެޓް އޮފީހުން ބުނީ އިހުސާސް ކުރެވޭ ފިނިހޫނުމިން ބިނާވަނީ އެ ސަރަހައްދެއްގެ އަސްލު ފިނިހޫނުމިނާއި ވައިގެ ތެތްކަމުގެ އެވްރެޖް ނިސްބަތަށް ކަމަށެވެ.