ދިވެހިރާއްޖޭގެ ޒަކާތާއި ގުޅޭ ކަންކަން ސަރުކާރުން ކުރިއަށް ގެންދަނީ ހަރުދަނާ ކަމާއި އެކުގައި ކަމަށް އިސްލާމިކް މިނިސްޓަރ ޑރ މުހައްމަދު ޝަހީމް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ އިއްޔެ ރައީސް އޮފީހުގައި އޮތް ނޫސްވެރިންގެ ބައްދަލުވުމެއްގައި ވާހަކަ ދައްކަވަމުންނެވެ.
މިނިސްޓަރ އިތުރަށް ވިދާޅުވީ ދިވެހިރާއްޖޭގައި ޒަކާތުގެ ނިޒާމު ތެރެއިން ވައްކަން ކުރެވޭ ގޮތަށް އެއްވެސް އިރެއްގައި ނެތް ކަމަށާއި، ކަންކަން ތަރުތީބު ކޮށްފައިވަނީ އެ މަގުން އެއްވެސް މީހަކަށް ދެވޭނެ ގޮތަށް ނޫންކަމަށެވެ.
މިނިސްޓަރ ވަނީ ވިޔަފާރިވެރިންގެ ކިބައިން މުދަލުގެ ޒަކާތް ދެއްކެވުމަށް އިލްތިމާސްވެސް ކޮށްފައެވެ. މުދަލުން ޒަކާތް ނެރުމަކީ މުދަލުގައި މާތްﷲ ބަރަކާތްލައްވާނެ ކަމެއް ކަމުގައި ޝަހީމް ވިދާޅުވިއެވެ.
