ނ.ވެލިދޫ ކުނިގޮނޑުގައި ރޯވި އަލިފާން އެމް.އެން.ޑީ.އެފް ނޮދަން ކޮމާންޑް، ޅ.ނައިފަރު ފަޔަރ ސްޓޭޝަން، ކައިރި ތިން ރިސޯޓެއްގެ ފަޔަރމަނުން ގުޅިގެން ނިއްވާލައިފިއެވެ.
އިއްޔެ 12:30 ހާއިރު މި ހާދިސާގެ މަޢުލޫމާތު ލިބުމާއި ގުޅިގެން، އެމް.އެން.ޑީ.އެފްގެ މުވައްޒަފުން ދެވެންދެން ނޮދާން އޭރިއާގެ އެދުމަށް، ޝިޔާމް ވޯލްޑް، ވެލާ އަދި ރަންދެލި ރިސޯޓުގެ ފަޔަރމަނުން ވަނީ އެ ރަށަށް ގޮސް އަލިފާން ނިއްވުމުގައި އެހީތެރިވެފައެވެ.
މި ހުރިހާ ފަރާތްތަކުގެ މަސައްކަތުން އަލިފާންގަނޑު ނިއްވާލެވިފައިވަނީ 17:00 ހާއިރު ކަމަށް މަޢުލޫމާތު ލިބެއެވެ.
މި ހާދިސާގައި އެއްވެސް ފަރާތަކަށް އަނިޔާ ލިބިފައިވާ ކަމުގެ މަޢުލޫމާތު މިހާތަނަށް ލިބިފައިނުވެއެވެ.
