އިންޑިޔާއިން ރާއްޖެއަށް ހަދިޔާކޮށްފައިވާ ޑޯނިއާ އަދި މަތިންދާބޯޓު ދުއްވުމުގެ ގާބިލްކަން ދިވެހި އަސްކަރިއްޔާގެ ނެތްކަމަށް ދިފާއީ ވަޒީރު މުހައްމަދު ޣައްސާން މައުމޫން ވިދާޅުވުމުން، އެއީ ކަނޑުކޮސް ވާހަކަ ކަމަށް ދިވެހިރާއްޖޭގެ ކުރީގެ ދާހިލީ ވަޒީރު އުމަރު ނަސީރު ވިދާޅުވެއްޖެއެވެ.

އުމަރު މިފަދައިން ވިދާޅުވެފައިވަނީ ޗެނަލް 13 ގެ ނިއުސް ޓޯކް ޕްރޮގްރާމްގައި ވާހަކަދައްކަވަމުންނެވެ.

އެގޮތުން އުމަރު ވީދާޅުވީ ގާބިލް ކަން ނެތީ ދިވެހި އަސްކަރިއްޔާގެ ނޫންކަމަށާއި ގާބިލްކަން ނެތީ ރާއްޖޭގެ ސިޔާސީވެރިންގެ ކަމަށެވެ.

އިންޑިޔާ އާއެކު ހަދާފައިވާ އެއްބަސްވުންތައް އުވާލަން ނުކެރޭއިރު ގާބިލް ނޫނީ ކޮންބައެއްކަން މިއަދު ސާފުކަމަށް އުމަރު ވަނީ ވާހަކައިގައި ފާހަގަކުރައްވާފައެވެ.

އޭގެއިތުރުން ޣައްސާން ދިފާއީ ވަޒީރަަކަށް ހުންނަވާ ދިވެހި އަސްކަރިއްޔާގެ އެ ގާބިލް ކަމެއް ނެތްކަމަށް ވިދާޅުވުމުން ހަނދާނަށް އައީ ކުރީ ސަރުކާރުގެ ދިފާއީ ވަޒީރު މާރިޔާ ދީދީ ދެެއްކެވި ވާހަކަ ކަމަށް ވިދާޅުވެ އުމަރުގެ ފާޑުކިޔުން ވަނީ ޣައްސާން އަށް އަމާޒުކޮށްފައެވެ.

އުމަރު އިތުރަށް ވިދާޅުވީ ޑޯނިއާ ދުއްވުމުގެ ގާބިލް ކަން މިހާރުވެސް ދިވެހި އަސްކަރިއްޔާގެ ހުންނާނެ ކަމަށެވެ. އަދި ކުރިޔަށް އޮތް އެއްް މަސް ދުވަސް ތެރޭގައި ހެލިކޮޕްޓަރު ދުއްވުމުގެ ގާބިލްކަން ވެސް އުފެއްދޭނެކަމަށާއި އެކަންކަމަކީ ބަޔަކު ކުރަން އުޅިގެން ކުރެވޭނެކަން ކަމަށް ވިދާޅުވެ އުމަރު ވަނީ އަދުގެ ސަރުކާރަށް ފާޑުވިދާޅުވެފައެވެ.