މިއަަހަރު ބާއްވާ 20 ވަނަ ރައްޔިތުންގެ މަޖިލިސް އިންތިޚާބުގެ ޓައިމްލައިން އިލެކްޝަންސް ކޮމިޝަން (އީސީ) އިން އާންމުކޮށްފިއެވެ.
މަޖިލިސް އިންތިޚާބު ބާއްވަން ހަމަޖެހިފައިވަނީ މާޗުމަހުގެ 17 ވަނަ ދުވަހުގައިކަމަށް އީސީން ވަނީ މައުލޫމާތުދީފައެވެ.
މި އިންތިޚާބުގައި ވޯޓު ދިިނުމުގެ ހައްގު ލިބިގެންވާ މީހުންގެ ރަޖިސްޓްރީ އާންމުކޮށް މިހާރު ވަނީ ޝަކުވާއަށް ހުޅުވާލައިފައެވެ.
އިންތިޚާބުގެ ޓައިމްލައިން:
- 1.ވޯޓު ދިިނުމުގެ ހައްގު ލިބިގެންވާ މީހުންގެ ރަޖިސްޓްރީ އާންމުކޮށް ޝަކުވާއަށް ހުޅުވައިލުން: 10ޖަނަވަރީ-21 ޖަނަވަރީ
- 2.އިންތިޚާބު އިއުލާނުކުރުން: 30 ޖަނަވަރީ
- 3.ވޯޓު ދިިނުމުގެ ހައްގު ލިބިގެންވާ މީހުންގެ ރަޖިސްޓްރީއަށް ގެނެވުނު ބަދަލަށް ޝަކުވާއަށް ހުޅުވައިލުން: 30 ޖަނަވަރީ-10 ފެބްރުއަރީ
- 4.ކެންޑިޑޭޓުންގެ ގޮތުގައި ކުރިމަތިލުމުގެ މުއްދަތު: 31 ޖަަނަވަރީ-14 ފެބްރުއަރީ
- 5.އޮބްޒާވަރުން އަދި މޮނިޓަރުންގެ ގޮތުގައި ކުރިމަތިލުމުގެ މުއްދަތު (ރާއްޖެ އަދި ބައިނަލްއަގުވާމީ): 31 ޖަނަވަރީ-19 ފެބްރުއަރީ
- 6.ރީ-ރަޖިސްޓްރޭޝަން މުއްދަތު: 1 ފެބްރުއަރީ-7 ފެބްރުއަރީ
- 7.ކެންޑިޑޭޓުންގެ ނަންތައް ތަރުތީބުކޮށް އިއުލާނުކުރުން: 14 ފެބްރުއަރީ
- 8.މަންދޫބުންގެ ގޮތުގައި ކުރިމަތިލުމުގެ މުއްދަތު: 16 ފެބްރުއަރީ-23 ފެބްރުއަރީ
- 9.ޓްރެއިނަރުންގެ ތަމްރީން ޕްރޮގްރާމް: 18 ފެބްރުއަރީ- 24 ފެބްރުއަރީ
- 10.އޮފިޝަލުންގެ ތަމްރީން ޕްރޮގްރާމް 26 ފެބްރުއަރީ- 11 މާޗު
- 11.އިންތިޚާބު ބާއްވާ ތާރީޚު: 17 މާޗު
މި ޓައިމްލައިންގައިވާ ތާރީޚުތަކަށް ބަދަލު އައުމަކީ ވެސް އެކަށީގެންވާ ކަމެއް ކަމަށް އީސީއިން ވަނީ ބުނެފައެވެ.
