މާލޭގައި ހަތަރު ފުރޮޅުލީ އުޅަނދުތައް ރަޖިސްޓްރީ ކުރުމަށް ބޭނުންވާ ގަރާޖް ސިޓީގެ އަގު އެއްލައްކައަށް ވުރެ މައްޗަށް އަރާ، ގަރާޖް ހިންގަމުންދާ ބޭފުޅުންގެ އަތުން ގަންނަން ޖެހުން ބޮޑު ތަކުލީފަކަށްވެ އާންމުންގެ ކަންބޮޑުވުން އިތުރުވެއްޖެއެވެ.

ގަރާޖް ސިޓީ އަކާއި ނުލާ ރެޖިސްޓްރޭޝަންގެ މަރުހަލާ ފުރިހަމަނުވާއިރު، އެއް ގަރާޖަކަށް 50 އަށްވުރެ ގިނަ އުޅަނދުތައް ރެޖިސްޓަރ ކޮށްފައި ހުންނަ ކަން ފާހަގަކުރެވިފައިވެއެވެ. މިހެންކަމުން ޑިމާންޑް ބޮޑުވެ ގަރާޖް ސިޓީގެ އަގު އަތް ނުފޯރާ ފަށަށް މައްޗަށް ވަނީ ގޮސްފައެވެ.

ގިނަ ފަރާތްތަކުން މިކަމާއި ގުޅިގެން ސޯޝަލް މީޑިއާގައި ޝަކުވާ ކުރަމުންދާއިރު، މިކަމަކީ ރައްޔިތުންގެ ލާބައަށް މިހާރުން މިހާރަށް ހައްލުކުރަން ޖެހިފައިވާ ބޮޑު މައްސަލައެކެވެ. ޓްރާންސްޕޯޓް މިނިސްޓްރީން މިކަމަށް ހަރުދަނާ އުސޫލުތަކެއް ކަނޑައަޅާ، މިނިސްޓްރީގެ ތެރެއިން މިފަދަ ކަންކަން ހަމަޖެހިގެންދާނެ ނިޒާމެއް ކަނޑައެޅުމަކީ މުހިއްމު ކަމެއް ކަމުގައި ބެލެވެއެވެ.

ހަރުދަނާ އުސޫލުތަކެއް ހެދިފައި ނެތުމުގެ ސަބަބުން މިފަދަ ސްކޭމްތަކުގައި ޖެހި ގެއްލުން ލިބެމުންދާ މީހުންވެސް މަދެއް ނޫނެވެ.

އެހެންނޫނީ، ރާއްޖޭގައި އަބަދުވެސް ކަން ހިނގާހެން މުއްސަނދި މީހާ އަބަދުވެސް މުއްސަދިވެ ރައްޔިތު މީހާ އުފުލާ ތަކުލީފެއް ބަދަލެއްނުވާނެއެވެ. މި ނޫން ގޮތެއް މިހާރު ހޯދަން އެބަޖެހެއެވެ.