ރެފަލްސް މޯލްޑިވްސް މެރަދޫ ރިސޯޓުން މީހަކު ގެއްލިގެން އެމީހާ ހޯދުމުގެ މަސައްކަތް ދިވެހިންގެ ފުލުހުންގެ އިދާރާއިން ފަށައިފިއެވެ. ގެއްލިގެން ހޯދަމުން ދާ ފަރާތުގެ މަޢުލޫމާތެއް ފުލުހުން ހާމަކޮށްފައި ނުވެއެވެ.

ކަޔަކް ބޯޓެއްގެ ފޮޓޯ އާއި އެކު ފުލުހުން މިރޭ ކޮށްފައިވާ ޕޯސްޓެއްގައި ބުނެފައިވަނީ ގެއްލުނު ފަރާތް ދަތުރުކޮށްފައިވަނީ އެ ބޯޓުގައި ކަމަށެވެ.

ގެއްލިގެން ހޯދަމުން ދާ މީހާ ނުވަތަ ފޮޓޯގައިވާ ކަޔަކް ބޯޓް ފެނިއްޖެނަމަ 3322111 ނުވަތަ ތިނަދޫ ޕޮލިސް ސްޓޭޝަންގެ ނަންބަރު  6842557 އަށް ގުޅުއްވައި މައުލޫމާތު ހިއްސާކުރުމަށް ފުލުހުން އެދިފައިވެއެވެ.

ދިވެހިރާއްޖޭގެ އެކި ކަންކޮޅުތަކަށް ކުރަމުންދާ ވިއްސާރަ އާއި ގުޅިގެން ކޮންމެހެން ކުރަން ޖެހިގެން ނޫނީ ކަނޑުމަތީގެ ދަތުރު ނުކުރުމަށް ކަމާއި ބެހޭ އިދާރާތަކުން ދަނީ އިލްތިމާސްކުރަމުންނެވެ.