ދިވެހިރާއްޖޭގެ ޓުއަރިޒަމް މިނިސްޓަރ ބޭރުގެ އެކި ފޯރަމްތަކުގައި "ބްރޯކަން އިންގްލިޝް" އިން ވާހަކަ ދައްކާ، ރާއްޖޭގެ ޓުއަރިޒަމްގެ އަގު ވައްޓާލުމަށްފަހު، ޕަބްލިކް ސްޕީކިން ނުވަތަ 6 މަސް ދުވަހުގެ މުއްދަތުގައި އިނގިރޭސިން ވާހަކަ ދެއްކުމުގެ ފެންވަރު ރަނގަޅު ކޮށްގެން މަސައްކަތުގެ މާހައުލަށް ނުކުންނަން ވަގުތު ދޭން އަބްދުއްރަހީމުއާ ރައީށް މުހައްމަދު މުއިއްޒަށް އޮތް ނަމަވެސް ދިވެހި ރައްޔިތުންނަށް އެ ވަގުތު ނެތް ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

މަލީހު މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.

މަލީހު ވިދާޅުވީ، ޓޫރިޒަމް މިނިސްޓަރ ވޮށުފިލާ ނިންމާ, ގްރޭޑް 10އެއް ނިންމާ, 11,12 ނިންމާ, ޑިގްރީ ނިންމާ, ވާހަކަ ދައްކަން ދަސްކޮށް, ޓައިޕުކުރަން ދަސްކޮށް, ޖާރނީ ދަތުރު ނިންމާ ފިޓްވެގެން މިނިސްޓަރ ކަމާއި ހަވާލުވާން ރައީސް މުއިއްޒާއި އަދުރޭ އަތުގައި ވަގުތު އޮތަސް ދިވެހިރައްޔިތުން އަތުގައި އެވަގުތެއް ނެތް ކަމަށެވެ.

ފައިސަލްއަށް އޭނާގެ ވާހަކަ ދެއްކުމުގެ ހުނަރު ގޯސްކަން ފާހަގަކުރެވި އަމިއްލައަށް ކޯޗަކު ހޯދައިގެން އޭނާގެ ވާހަކަ ދެއްކުމުގެ ހުނަރު ރަގަޅުކޯށް 6 މަސް ދުވަހުގެ ތެރޭގައި އެނބުރި އަންނާނެކަމަށް ވިދާޅުވިއިރު ފައިސަލް ހުންނެވީ ބޭރު ދުނިޔޭގައި ރާއްޖެ ތަމްސީލުކުރާ އެންމެ މުހިއްމު އެއް ވުޒާރާގައި ކަމަށްވެފައި އެންމެ ސިކުންތުކޮޅެއްވެސް އެކި ފަރާތްތަކާ މުއާމަލާތްނުކޮށް ނުވާނެ އިރު ހަމަސް ދުވަހަކީ ހަގީގަތުގައިވެސް ވަރަށް ގިނަ ވަގުތުކަން ފާހަގަކޮށްލެވެއެވެ.