މޫސުން ގޯސްވުމުގެ ސަބަބުން މެދުރާއްޖެ ތެރޭގެ ބައެއް އަތޮޅުތަކަށް މޫސުމާއި ބެހޭ ގައުމީ އިދާރާ (މެޓް) އިން އޮރެންޖް އިންޒާރު ނެރެފިއެވެ.

އޮރެންޖް އިންޒާރު ނެރެފައިވަނީ ބ އަތޮޅުން ފެށިގެން މ އަތޮޅާއި ހަމައަށް ހަވީރު 17:30 އިން ފެށިގެން މިރޭ 20:30 އާއި ހަމައަށެވެ.

މެޓުން ނެރުނު އިންޒާރުގައި ބުނެފައިވަނީ ގަޑިއަކު 36 މޭލާއި 42 މޭލާ ދެމެދުގެ ބާރުމިނުގައި ވައިޖެހި އަދި ވިލާގަނޑުގައި ގަޑިއަކު 60 މޭލަށް ވައިގަދަވާނެ ކަމަށެވެ.

އަދި ކަނޑުތައް ގަދަވާނެ ކަމަށް ލަފާ ކުރެވޭ ކަމަށްވެސް މެޓުން ވަނީ ބުނެފައެވެ.