ރާއްޖޭގެ އުތުރަށް މޫސުން ގޯސްވާނެ ކަމަށް ލަފާކޮށް މޫސުމާ ބެހޭ ގައުމީ އިދާރާ (މެޓް) އިން އޮރެންޖު އިންޒާރު ނެރެފިއެވެ.

މެޓުން އޮރެން ސަމާލު ނެރެފައިވަނީ ހއ އަތޮޅުން ފެށިގެން ވ އަތޮޅާ ހަމައަށެވެ.

އެ ސަމާލު ނެރެފައިވަނީ މިރޭގެ 7:15 ން 11:15 އާ ހަމައަށެވެ.

މި ގަޑި ތަކުގައި ބޯކޮށް ވާރޭ ވެހި ގަޑިއަކު 34 މޭލާ 40 މޭލާ ދެމެދުގެ ބާރުމިނުގައި ވައި ޖެހޭނެކަމަށެވެ.

އަދި ވިލާ ގަނޑުގައި ގަޑިއަކު 60 މޭލަށް ވައިގަދަވާނެ ކަމަށް ވެސް މެޓުން ވަނީ ބުނެފައެވެ.

އަދި ކަނޑުތައް ވެސް އާދައިގެ ވަރަކަށް ވުރެ ގަދަ ވާނެ ކަމަށް މެޓުން ވަނީ ހާމަކޮށްފައެވެ.