ސިނަމާލެ ބުރިޖާ ދިމާލުން މޫދުން އޮޔާ ދަނިކޮށް ނެގި މީހާ އައިޖީއެމްއެޗަށް ގެންދިޔައިރުވެސް ނިޔާވެފައިވާ ކަމަށް ފުލުހުން ހާމަކޮށްފިއެވެ.
މިއަދު މެންދުރުގެ ވަގުތެއްގައި ސިނަމާލެ ބުރިޖާ ދިމާލުން އޮޔާ ދަނިކޮށް ނެގި މީހާއާ ގުޅިގެން އަދާހަމަ ދެއްވަމުން ދިވެހި ފުލުހުން ހާމަކޮށްފައިވާ ގޮތުގައި ސިނަމާލެ ބްރިޖާއި ދިމާލުން ކަނޑުމަތިން މީހަކު އޮޔާދާ ކަމުގެ މައުލޫމާތު 12:35 ހާއިރު ފުލުހުންނަށް ރިޕޯޓްކޮށްފައިވާކަމަށެވެ.
ރިޕޯޓު ލިބުމާ އެކު އެ ސަރަހައްދަށް ފުލުހުންގެ ޓީމުން ގޮސް އެމީހާ މޫދުން ނެގުމަށް ފަހު އައިޖީއެމްއެޗް ހޮސްޕިޓަލަށް ގެންދިޔައިރުވެސް އެމީހާ ވަނީ ނިޔާވެފައި ކަމަށެވެ. އަދި އެއީ އަންހެނެއް ކަމަށްވެސް ފުލުހުންވަނީ މައުލޫމާތު ދެއްވާފައެވެ.
ނަމަވެސް އިތުރު ތަފްސީލެއް ފުލުހުން ހާމަކޮށްފައިނުވެއެވެ. މި ފަހަކަށް އައިސް ގޮތް ނޭނގޭ މަރު މާލެ ސަރަހައްދުގައި ގިނަ ވަމުންދާއިރު މިކަމާ ގުޅިގެން ގިނަ ބަޔަކު ގެންދަނީ ކަންބޮޑުވުން ފާޅުކުރަމުންނެވެ.
