ރައީސް ޑރ. މުހައްމަދު މުއިއްޒު ގައުމަށް ވުރެ އަޚްލާގުނެތް ކުފޫހަމަނުވާ ބޭފުޅެއް އިޚްތިޔާތު ކުރެއްވުމަކީ ލަދުވެތިކަމެއް ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

އަންގާރަ ދުވަހު މިވަނީ ރައްޔިތުންގެ މަޖިލީހުގެ 20 ވަނަ ދައުރުގެ 93 މެމްބަރުން ގޮނޑިތަކަށް ހުވާކޮށްފައިއެވެ. އަދި މަޖިލީހުގެ ސުޕާ މެޖޯރިޓީއޮތް ވެރިކަން ކުރާ ޕާޓީ ޕީއެންސީއިން ވަނީ ފޮނަދޫ ދާއިރާގެ މެންބަރު އަބްދުއްރަހީމް އަބްދުﷲ އަށް ދިނުމަށް ނިންމާފައިއެވެ.

މިކަމަށް ފާޑުވިދާޅުވެ މަލީހު އެކްސްގައި ކުރެއްވި ޕޯސްޓެއްގައި ވިދާޅުވީ އަދުރޭ ފަދަ މަޤާމަށް ކުފޫހަމަނުވާ ތަންދޮރު ނޭގޭ އަޚްލާގެއް ނެތް ބޭފުޅަކު މަޖިލިހުގެ ރައީސްގެ ގޮތުގައި ރައީސް މުއިއްޒު ހަމަޖެއްސުމުން ދައްކުވައިދެނީ މުއިއްޒު ޤައުމަށް ވުރެ އަމިއްލަ މަސްލަހަތު އިސްކުރާާވަރުކަމަށެވެ.

މިއީ ލަދުވެތިކަމެއް ކަމުގައިވެސް މަލީހު ވަނީ ވިދާޅުވެފައިއެވެ. އިތުރަށް މަލީހު ވަނީ މަޖިލީހުގެ 20 ވަނަ ދައުރުގެ މެމްބަރުންނަށް ތަހުނިޔާ އަރިސްކުރައްވާފައެވެ.

ވެރިކަން ކުރާ ޕާޓީއިން ވަނީ އަބްދުއްރަޙީމްގެ އިތުރުން ނައިބު ރައީސް ކަމަށް ދިއްގަރު ދާއިރާގެ މެންބަރު އަހުމަދު ނާޒިމް އިންތިހާބު ކުރުމަށް ނިންމާފައިކަންވެސް ފާހަގަކޮށްލެވެއެވެ.