ރައީސް ޑރ މުހައްމަދު މުއިއްޒު ދައުލަތް ހިންގަވަން އުޅުއްވަނީ ބަނގުރޫޓުވެފައިވާ ކަންމަތީ ފިހާރައެއް ފަދައިން ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވީ އެކްސްގައި ކުރެއްވި ޕޯސްޓުތަކެއްގައެވެ.
މަލީހު ވަނީ ސަރުކާރުން ވަކިވި މިނިސްޓަރުން އަނެއްކާވެސް އެކި މަގާމުތަކަށް އައްޔަންކުރައްވަމުން ގެންދަވާ ގެންދެވުމަށް މަޖާޒީ ގޮތަކަށް ފާޑުވިދާޅުވެފައެވެ.
އެގޮތުން މަލީހުވަނީ އެކްސްޕަޔާޑު ޕްރޮޑަކްޓްސްއާ އެކު ރައީސް މުއިއްޒު ގައުމު ހިންގަން އުޅެނީ ބަނގުރޫޓުވެފައިވާ ދުއްކާނެއްހެން ކަމަށް ވިދާޅުވެފައެވެ. ނަމަވެސް އެ ފަދަ ޕްރޮޑަކްޓުސްތައް ރައްޔިތުންނަށް ނުވިއްކޭނެ ކަމަށް ވިދާޅުވެ ވެސް މަލީހު ވަނީ ރައީސް މުއިއްޒު ލަދު ގަންނަން ޖެހޭނެ ކަމަށްވެސް ވިދާޅުވެފައެވެ.
މަލީހު އެހެން ޕޯސްޓެއްގައި ވިދާޅުވީ، ރައީސް މުއިއްޒުގެ ވެރިކަމަކީ ދިރުމާ ފުރާނަ ނެތް ތަކެއްޗާ މުއާމަލާތްކޮށް ނިންމާލާ ސަރުކާރެއް ކަމަށާ ރައްޔިތުންނަށް ވީ ގެއްލުން ބޮޑު ކަމަށެވެ.
މީގެ އިތުރުން ރައީސް މުއިއްޒު މިހާރު އުޅުއްވަނީ ލަދުން ބޭރަށް ނުކުމެވަޑައިގަންނަވަން ކެރިވަޑައި ނުގެން ކަމަށް ވިދާޅުވެ މަލީހު ވިދާޅުވީ އެވަރުން ގައުމު ހިންގާނެ ގޮތަކާ މެދު ސުވާލު އުފެދޭ ކަމަށެވެ.
