ޑޮލަރުގެ އަގު އުފުލިގެން އުޅެން ނުޖެހޭނެ ކަމަށް ރައީސް ޑރ މުހައްމަދު މުއިއްޒު ވިދާޅުވި ނަމަވެސް ޑޮލަރުގެ އަގު 18 ރުފިޔާއަށް އުފުލުމާއެކު ކުރިން ބުނި އެތި ކެންސަލްކޮށްފިއެވެ.

މަޖިލިސް އިންތިޚާބްގެ ކެމްޕެއިން ތެރެއިން ޑޮލަރުގެ އަގު ނުއުފުލޭނެކަމަށް ރައީސް މުއިއްޒު ވަނީ ވިދާޅުވެފައެވެ.

ނަމަވެސް ކަޅު ބާޒާރުގައި ޑޮލަރުގެ އަގު ވަނީ 18 ރުފިޔާއަށް އުފުލިފައެވެ.

މިކަމުގައި ވިޔަފާރި ކުރާ ފަރާތްތަކުން ކަންބޮޑުވުންފާޅުކުރަމުން ގެންދާއިރު ސަރުކާރުގެ އިސް ފަޑީގައި ތިއްބަވާ ފަރާތްތައް ވެސް ހުންނެވީ ހަނެވެ.

ފެބްރުއަރީ މަހުގެ 13 ވަނަ ދުވަހު ފެށި ރާއްޖޭގެ އިންވެސްޓްމަންޓް ފޯރަމްގެ ކުރިން ނޫސްވެރިންނާ ވާހަކަ ދައްކަވަމުން އިކޮނޮމިކް މިނިސްޓާރ މުހައްމަދު ސައީދު ވަނީ ރާއްޖެ އަށް ދިމާވެފައިވާ ޑޮލަރުގެ މައްސަލަ ކުރިއަށް އޮތް ދެތިން މަސް ތެރޭގައި ހައްލުވާނެ ކަމުގެ ފުރިހަމަ ޔަގީންކަން ދެއްވާފައެވެ.

އެ އިންޓަވިޔުގައި ސައީދު ވަނީ ޑޮލަރުގެ މައްސަލަ ހައްލުކޮށް ދެތިން މަސްތެރޭ އެއްކޮށް ހަމަޔަކަށް އަޅުވާނެކަމަށް ވިދާޅުވެފައެވެ.

މިނިސްޓާރ ސައީދު މިފަދައިން ވިދާޅުވިތާ 4 މަސް ވާން މިހާރު ވަނީ ކައިރިވެފައެވެ.

ރާއްޖެއަށް ކުރިމަތިވެފައިވާ ޑޮލަރުގެ މައްސަލައަށް އަދިވެސް ހައްލެއް ލިބިފައިނުވާކަން ފާހަގަކޮށްލެވެއެވެ.