މާފަންނު ގެއެއްގެ އޭސީ އިންޑޯ ޔުނިޓެއްގައި ރޯވެ އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފްއިން މައުލޫމާތު ދެމުން ބުނީ މާފަންނު ޕަރުވާނާގެއިން ދުން އަރާކަމުގެ މައުލޫމާތު ރިޕޯޓުކުރީ ހޮނިހިރު ދުވަހު 14:14 ހާއިރު ކަމަށެވެ.
އެގޮތުން އެމްއެންޑީއެފް ފަޔަރ އެންޑް ރެސްކިޔުު ސަރވިސްގެ ފަޔަރފައިޓަރުން ވަނީ އެ ސަރަހައްދަށް ގޮސް ބެލިބެލުމުން އެގޭގެ ފުރަތަމަ ފަންގިފިލާގައި ހުރި އެޕާޓްމަންޓެެއްގައި ހަރުކޮށްފައިހުރި އޭސީ އިންޑޯ ޔުނިޓެއްގައި އަލިފާން ރޯވެފައި ހުރި ކަމަށާއި 14:30 ހާއިރު އަލިފާން ނިއްވާލާފައިވާ ކަމަށެވެ.
އެމްއެންޑީއެފްއިން ބުނީ މި ހާދިސާގައި އޭސީ އިންޑޯ ޔުނިޓް އަނދައި އެޕާޓްމަންޓްގައި ހަރުކޮށްފައިހުރި ފަންކާއަކާއި ލައިޓުތަކަށް އަލިފާނުގެ ސަބަބުން ގެއްލުން ލިބިފައިވާ ކަމަށެވެ.
ނަމަވެސް އެއްވެސް މީހަކަށް އަނިޔާއެއް ލިބުނު ކަމުގެ މައުލޫމާތު ލިބިފައިނުވާ ކަމަށް އެމްއެންޑީއެފްއިން ވަނީ ބުނެފައެވެ.
