1445 ވަނަ އަހަރު މާލެ ސިޓީގެ މިސްކިތްތަކުގެ ތެރެއިން އަޟްހާ ނަމާދު ކުރުމަށް މައިދާންތަކާއި މިސްކިތްތައް އިސްލާމިކް މިނިސްޓްރީ އިން އާންމުކޮށްފިއެވެ.

މިގޮތުން 28 މިސްކިތެއް އަޟްހާ އީދު ނަމާދު ކުރުމަށް ކަނޑައަޅާފައިވެއެވެ. އެއީ މާލޭގެ 17 މިސްކިތަކާއި، ވިލިމާލޭގެ 02 މިސްކިތް، ހުޅުމާލެ ފޭސް 1 ފަސް މިސްކިތް އަދި ފޭސް 2 ގެ ހަތަރު މިސްކިތް ހިމެނެއެވެ.

މީގެ އިތުރުން މޫސުން ތަން ނުދިނުމުގެ ސަބަބުން މައިދާންތަކުގައި ކުރުމަށް ހަމަޖެހިފައިވާ ބޮޑު ޖަމާއަތުގެ އީދު ނަމާދު ކެންސަލް ކުރަން ޖެހިއްޖެ ހާލަތުގައި މާލެ ސިޓީގައި އީދު ނަމާދު ކުރާނީ ހުކުރު ކުރާ ހުރިހާ މިސްކިތެއްގައި ކަމަށް މިނިސްޓްރީން ބުނެފައިވެއެވެ. އަދި މިސްކިތްތަކާއި މައިދާންތަކުގައި އަންހެން ކަނބަލުންނަށް ނަމާދު ކުރެވޭނެ އިންތިޒާމު ކޮށްފައިވެއެވެ.