މި ސަރުކާރުން ރައްޔިތުންނަށް ވައުދު ވަނީ ވަށަފަރު އުސޫލުން ކަމަށް ޕީއެންއެފްގެ ސެކެޓްރީ ގެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި މަލީހު ވަނީ ނުފުއްދޭ ވައުދުފުޅުނުވުމަށް ރައީސް ޑރ. މުއިއްޒަށް އިލްތިމާސްކޮަށްފައިއެވެ.
މީގެ އިތުރުން އެމަނިކުފާނު ނޭނގޭ ވާހަކަ ނުދެއްކެވުމަށްވެސް މަލީހު ވަނީ ރައީސް މުއިއްޒަށް އިލްތިމާސްކުރައްވާފައިއެވެ.
މަލީހު މިފަދައިން ވިދާޅުވީ ރައިސް މުއިއްޒު ބީއެމްއެލްގެ ކާޑުތަކަށް ކަނޑައަޅާފައިވާ ޑޮލަރު ލިމިޓު ބޮޑު ކުރެވޭނީ، ބޭންކަށް ވަންނަ ޑޮލަރުގެ އަދަދު އިތުރުވެގެން ކަމަށް ބީއެމްއެލްއިން ބުނުމާއި ގުޅިގެންނެވެ.
ރާއްޖޭގެ އިގްތިިސާދު މިފަދައިން ދަށަށް ގޮސްފައިވާ ދަނޑިވަޅެއްގައިވެސް ކާޑު ލިމިޓު އިތުރުކުރާނެކަމަށް ރައީސް މުއިއްޒު ވައުދުވެލައްވާފައިއެވެ.
ނަމަވެސް ފެނިގެން މިދަނީ ކާޑު ލިމިޓު އިތުރު ނުވާ އިރު ކަޅު ބާޒާރުގައި ޑޮލަރު ވިއްކާ އަގު އިތުރުވަމުން އަންނަ މަންޒަރެވެ.
