އިސްލާމިކް މިނިސްޓަރ ޑރ މުހައްމަދު އަލީ ޝަހީމް ސޯޝަލް މީޑިއާ ޕޯސްޓެއްގައި ވިދާޅުވެފައިވަނީ ދިވެހި ހައްޖާޖީންގެ ތެރެއިނ 577 ހައްޖުވެރިން މިހާރު ތިބީ މިނާގައި ކަމަށާއި، ދިވެހި ހައްޖުވެރިން ގޮވައިގެން ދަތުރު ކުރާ އެހެން ބަސްތައް މިހާރު މިނާއަށް ދަތުރު ކުރަމުންދާ ކަމަށެވެ.

މިނިސްޓަރ އިތުރަށް ވިދާޅުވީ ހުރިހާ ހައްޖުވެރިންވެސް މިއަދު މިނާއަށް ވަދެ ނިމޭނެ ކަމަށާއި، ހުރިހާ ހައްޖުވެރިންގެ ހާލު މިވަގުތަށް ރަނގަޅު ކަމަށެވެ.

މިނާއަށް ފަހު ހައްޖުވެރިން ދެން ދަތުރުކުރާނީ އަރަފާތަށެވެ. އެއީ ހައްޖުގެ އެންމެ މުހިއްމު ރުކުނެވެ.

ރާއްޖެއިން ހައްޖުވުމަށް ގޮސްފައިވާ ހައްޖުވެރިންގެ މައުލޫމާތު އިސްލާމިކް މިނިސްޓްރީން އަންނަނީ ވަގުތުން ގެނެސްދެމުންނެވެ.