ސިނަމާލެ ބްރިޖުގެ މަސައްކަތް ކުރަމުންދިޔަ ބިދޭސީއަކު މަރުވެއްޖެ އެވެ.

ފުލުހުންގެ އިދާރާއިން ހާމަކޮށްފައިވާ ގޮތުގައި ބްރިޖުގެ މަސައްކަތް ކުރަމުން ދިޔަ ބިދޭސީއަކު އަނބުރައިގަނެގެން ރޭގެ ވަގުތެއްގައި ޓްރީޓޮޕްއަށް ގެންގޮސްފައިވެއެވެ. އަދި މި މީހާ ހޮސްޕިޓަލް އަށް ގެންދިޔައިރުވެސް މަރުވެފައިވާ ކަމަށް ފުލުހުން މައުލޫމާތު ހާމަކޮށްފައިވެއެވެ.

މީގެ އިތުރުން، މަރުވެފައިވަނި އިންޑިޔާ އަށް ނިސްބަތްވާ ފަރާތެއްކަމަށާއި، މި މީހާ ނިޔާވި ސީދާ ސަބަބެއް ދެނެގަނެވެފައިނުވާ ކަމަށްވެސް ފުލުހުން ބުނެފައިވެއެވެ.

މިފަދަ ހައިރިސްކް މަސައްކަތް ކުރާ މުވައްޒަފުންގެ ސަލާމާތާއި ރައްކާތެރިކަން ކަށަވަރުކުރުމަކީ ކަމާއި ބެހޭ އިދާރާތަކުން ކުރަން ޖެހޭ ކަމަަކަށް ވީ ހިނދު ފަރުވާކުޑަކުރުމުގެ ސަބަބުން މިފަދަ ހާދިސާތައް ދަނީ ދުވަހަކަށްވުރެ ދުވަހަށް އިތުރުވަމުންކަން ފާހަގަކުރެވެއެވެ.