ދުވަސްވަރަކީ ވައިގަދަ ވިއްސާރަ ދުވަސްވަރަކަށް ވާތީވެ ސިނަމާލެ ބުރިޖު އަދި ހައިވޭއިން ދަތުރު ކުރާ ފަރާތްތަކުން ސަމާލުވުމަށް ދިވެހި ފުލުހުންގެ ހިދުމަތުން އިލްތިމާސްކޮށްފި އެވެ.
ފުލުހުން މިފަދައިން ވިދާޅުވެފައި ވަނީ އެކްސްގައި އެ މުއްސަސާއިން ކުރި ޕޯސްޓެއްގައެވެ.
އެގޮތުން ފުލުހުން ބުނީ ހުޅުމާލެ އާއި މާލެ އާ ދެމެދެ ސައިކަލު ދުއްވާއިރު، ކުޑަ ނަގައިގެން ނުދުއްވުމަށާއި ވަޔާ ވިއްސައިގެން ދާފަދަ ކޮލިޓީ ދަށް ކޯޓު ބޭނުން ނުކުރުމަށް އިލްތިމާސް ކުރާ ކަމަށެވެ.
އަދި އޭގެއިތުރުން ސައިކަލުގެ ލައިޓުތައް ދިއްލޭތޯ ބަލައި ސަލާމަތާއި ރައްކާތެރިކަން ކަށަވަރު ކޮށްގެން، ހެލްމެޓު ވެސް ވިއްސައިގެން ނުދާނޭހެން ރަނގަޅަށް ހައްޔަރު ކޮށްގެން ދުއްވުމަށް ފުލުހުން ވަނީ އިލްތިމާސް ކޮށްފައެވެ.
މޫސުމާ ބެހޭ ގައުމީ އިދާރާއިން ވަނީ އަންނަ ހަފްތާގެ ހޯމަ ދުވަހާހަމަޔަށް މޫސުން ގޯސްވާނެކަމަށް ބުނެފައެވެ.
