އިސްލާމީ އުސޫލުތަކާއި ތައާރަޒުނުވާ ގޮތަށް އީދު ފާހަގަކުރުމަށް އިސްލާމިކް މިނިސްޓަރު ގޮވާލާފައިވީ ނަމަވެސް ސަރުކާރުގެ އިސް ބޭފުޅުން ހިމެނޭގޮތަށް ދީނުގެ ހަމަތަކާއި ޚިލާފަށް އީދު ފާހަގަކުރަމުން ގެންދާކަން ފާހަގަކުރެވެއެވެ.
އިސްލާމީ ރިވެތި ސަރުކާރެއް ބިނާ ކުރުމަށް ހުވާ ކުރައްވައި ވެރިކަމަށް ވަޑައިގެން ދީނާއި ޚިލާފަށް ކުރަމުންގެންދާ އެއްވެސް ހަރަކާތެއް މި ސަރުކާރުން ހުއްޓުވުމަށް އެއްވެސް މަސައްކަތެއް ކުރައްވާތަނެއް ފެނިވަޑައިނުގަންނަވައެވެ. ކުރީ ސަރުކާރުތަކަށް "ލާދީނީ" ގެ ލަގަބު ދެއްވައި ފާޑުވިދާޅުވުމަށްފަހު ކަންކަން އިސްލާޙް ކުރައްވަން އައި ބޭފުޅުންވެސް އެ މަގުން ހިންގެވެމަކީ ގައުމުގެ މާލިމީކަމަށް އެބޭފުޅުން ކުފޫ ހަމަނުވާ ކަމުގެ ހެއްކެކެވެ.
މީގެ އިތުރުން މަޖިލިސް މެންބަރުންނާއި އެނޫންވެސް ސަރުކާރުގައި ނަން ހިނގާ ބޭފުޅުން އީދުގެ ހަރަކާތްތަކުގައި ދެ ޖިންސް މަސްހުނިވެ ނެށުމާއި މި ނޫންވެސް އިސްލާދީނުގެ އިމުގެ ބޭރުން އުޅުއްވާކަން ސޯޝަލް މީޑިޔާގައި ދައުރުވަމުންދާ ޕޯސްޓްތަކުން ފެންނަމުންދެއެވެ.
ދީން އައްޑަނައަކަށް ހައްދަވައި ވެރިކަމަށް ވަޑައިގެން ކުރިއަށްވުރެވެސް ބޮޑަށް ގައުމު ލާދީނީ ވެއްޖެކަމަށް ގިނަ ފަރާތްތަކުން ފާހަގަކުރެއެވެ.
