ދައުލަތުގެ ހުރިހާ ދިމާލަކުންވެސް ކޮރަޕްޝަން އާއި ވައްކަން އާންމުވެ ރައްޔިތުން ކަންބޮޑުވެ ނުރުހުން ފާޅުކުރާއިރު ރާއްޖޭގެ ރައީސް ހަނު ހުންނެވުމަކީ އެ އަމަލުތަކުގައި ބައިވެރިވުން ކަމަށް މުޙައްމަދު މަލީހް ޖަމާލް ވިދާޅުވެއްޖެއެވެ.
މަލީހްގެ އެކްސް އެކައުންޓްގައި ކުރެއްވި ޕޯސްޓެއްގައި ވިދާޅުވެފައިވަނީ މި ފަދަ މައްސަލަތައް ބަލަން ކޮމިޓީއެއް ނަގާ ރަނގަޅަށް އިންސާފުވެރިކަމާއި އެކުގައި ފިޔަވަޅު އަޅަން ޖެހޭނެ ކަމަށެވެ.
މި ސަރުކާރުގެ ކޮރަޕްޝަންގެ އަމަލުތައް އިންތިހާއަށް މައްޗަށް ގޮސްފައިވާކަން ފާހަގަކުރެވިފައިވެއެވެ. މިގޮތުން ނިމިދިޔަ އިންތިޚާބާއި ދިމާކޮށް ހައްގު ނޫން ވަޒީފާތައް ސަރުކާރު ހިއްސާވާ ކުންފުނިތަކުން ދިނުމާއި، ދައުލަތުގެ ޚަރަދުން ވައްކަމުގެ އެތައް އަމަލިއްޔާތުތަކެއް ހިންގާފައިވާކަން ފަޅާއަރާފައިވެއެވެ. ނަމަވެސް މިއިން އެއްވެސް މައްސަލައެއްއް ސަރުކާރުން ބަލާފައި ނުވާއިރު ރައްޔިތުންގެ ޓެކްސް ފައިސާއިން ސިޔާސީ މަންފާތައް ހާސިލުކުރުމަށް ފައިސާ ޚަރަދުކުރަމުންދާކަން ފާހަގަވެއެވެ.
