މަސްވެރިންގެ އަތުން މަސް ގަނެ ފައިސާ ނުދެއްކޭނަމަ އެއީ ސަރުކާރުން ހަދަމުންދާ ވަރަށް ބޮޑު ގޯހެއް ކަމަށާއި އެކަމަށް ދެއްކޭނެ އެއްވެސް ބަހަނާއެއް ނެތް ކަމަށް ކުރީގެ ފޮރިން މިނިސްޓަރ ޢަބްދުﷲ ޝާހިދު ވިދާޅުވެއްޖެއެވެ.

މަސްވެރިންގެ އަތުން ގަނެފައިވާ މަހަށްވާ ފައިސާ ވީއެންމެ އަވަހަށް ދައްކާ ޚަލާސް ކުރުމަށްވެސް ޝާހިދު ވަނީ ސަރުކާރަށް ގޮވާލާފައެވެ.

ޝާހިދުގެ އެކްސް އެކައުންޓްގައި މަސްވެރިންގެ މައްސަލައާއި ގުޅިގެން ޕޯސްޓްކުރައްވައި އިތުރަށް ވިދާޅުވެފައިވަނީ ބަޔަކުއަތުން އެއްޗެއް ގަނެފިއްޔާ އެއެއްޗެއްގެ އަގު އަދާކުރުމަކީ ގަންނަ ބައެއްގެ ވާޖިބެއް ކަމަށާއި އެއީ އެއެއްޗެއް ގަންނަ ބައެއްގެ ހެޔޮކަމުން ނުވަތަ ދީލަތިކަމުން ކުރަންޖެހޭކަމެއްނޫން ކަމަށެވެ.

މަސްވެރިންގެ ފައިސާ ހަމައަށް ދޫކޮށްފައިނުވުމުގެ ސަބަބުން ރާއްޖޭގެ އެކި ހިސާބުތަކުގައި މަސްވެރިން އަންނަނީ ކަންބޮޑުވުން ފާޅުކޮށް މުޒާހަރާކުރަމުންނެވެ.