މިފްކޯގެ ތެޔޮ މަސްދަޅު ވިއްކާ އަގު ހޯމަ ދުވަހުން ފެށިގެން ބޮޑު ކުރުމަށް ފަހު އެ ނިންމުން ބަދަލުކޮށް އަނެއްކާ ވެސް ކުރިން ހުރި އަގަށް ހެޔޮކޮށްފި އެވެ.
މިފްކޯއިން މިއަދު މެންދުރު ނެރު އިއުލާނެއްގައި ބުނީ މެދުއިރުމަތީގެ ހަމަނުޖެހުންތަކާ ގުޅިގެން ދުނިޔޭގެ ބާޒާރުގައި ތެލުގެ އަގަށް އައި ބަދަލާއެކު، މަސްދަޅު އުފެއްދުމަށް ހިނގާ ޚަރަދު ވަރަށް ބޮޑަށް މައްޗަށް ދިއުމާ ގުޅިގެން މަސްދަޅުގެ އަގުތައް ބޮޑު ކުރަން އެ ކުންފުނިން ނިންމާފައިވާ ކަމަށެވެ.
ނަމަވެސް ތެޔޮމަސްދަޅުގެ އަގަށް މިއަދު ގެނައި ބަދަލާ ގުޅިގެން، ރައްޔިތުންގެ ޚިޔާލާއި ރައްޔިތުންގެ ދިރިއުޅުމުގެ އަގަށް ރިޢާޔަތްކޮށް، ކުރިން އޮތްގޮތަށް މަސްދަޅުގެ އަގު ދެމެހެއްޓުމަށް މިފްކޯއިން ވަނީ ނިންމާފައެވެ.
