ސަރުކާރުގެ ޓުއަރިޒަމް ކުރިއަރުވާ ކުންފުނި މޯލްޑިވިސް މާކެޓިން އެންޑް ޕަބްލިކު ރިލޭޝަންސް ކޯޕަރޭޝަންސް (އެމްއެމްޕީއާރުސީ) އިން އިސްލާމްދީނާ ހިލާފu ކަންކަން ޕްރޮމޯޓުކުރާ ކުރުމާ ގުޅިގެން ސަރުކާރުގެ އެންމެ އިސް ފަރާތް. ރާއްޖޭގެ ރައީސުލްޖުމްހޫރިއްޔާގެ އޮފީހާ ކުރި ސުވާލަށް ދޭނެ ޖަވާބެއް ނެތްކަމަށް ހާމަކޮށްފިއެވެ.

މި އަހަރު ރައީސް އޮފީހުން ބޭއްވި ބޭއްވި ތިން ވަނަ ކެބިނެޓު ބައްދަލުވުމުގެ ތަފްސީލު ހާމަކުރައްވަން އެ އޮފީހުން ބޭއްވި ނޫސްވެރިންގެ ބައްދަލުވުމުގައި ޕްރިންސިޕަލް ސެކެރެޓަރީ ޓު ދަ ޕްރެޒިޑެންޓު އޮން ޕަބްލިކު ޕޮލިސީ އަބްދުﷲ ނާޒިމް އިބްރާހިމި ވިދާޅުވީ އާދިއްތަ ދުވަހުގެ ކެބިނެޓު ބައްދަލުވުމުގައި ދެ ކަމެއްގެ މަޝްވަރާތައް ކުރި ކަމަށާ އެތަނުން އެއް ކަމަކީ އިކޮނޮމިކު ކައުންސިލްގެ ބައްދަލުވުމެއް ކަމަށެވެ.

އެގޮތުން އަންހެނުންގެ ބައިވެރިވުން ފަތުރުވެރިކަމުގެ ދާއިރާގައި ފުޅާ ކުރުމަށް ފުރުސަތުތައް ހުޅާލަދީފައިވާކަމަށާ އެކަންކަން ފެކަލްޓީ އޮފް ހޮސްޕިޓަލިޓީ އެންޑް ޓުއަރިޒަމްގެ ބައިވެރިވުމާ އެކު އިތުރު ތަމްރީނު ޕްރޮގްރާމުތައްވެސް ކުރިއަށް ގެންދާނެ ކަމަށް ވެސް ނާޒިމް ވިދާޅުވިއެވެ.

ނޫސްވެރިންގެ ބައްދަލުވުމުގައި ޗެނަލް13 އިން ވަނީ، ދާދި ފަހުން އެމްއެމްޕީއާރުސީއިން އިސްލާމްދީނާ ހިލާފު ރޫހެއްގައި ފަތުރުވެރިކަން ޕްރޮމޯޓް ކުރިކަން ސަރުކާރުގެ ސަމާލުކަމަށް އައިސްފައިވޭތޯ އާ އަދި އައިސްފައިވާ ނަމަ މައްސަލަ ބަލަމުން ދޭތޯ ވެސް ސުވާލުކޮށްފައެވެ. މީގެ އިތުރުން ސަމާލު ކަމަށް ނައިސްވާނަމަ ނޫސްވެރިންގެ ބައްދަލުވުމުގައި ސަމާލުކަމަށް އެކަން ގެނައުމުން އެކަން ބަލާނެތޯވެސް ސުވާލުކުރިއެވެ.

ޖަވާބުގައި ނާޒިމް ވިދާޅުވީ އެކަމުގައި ކޮމެންޓެއް ނެތް ކަމަށެވެ.

އަންހެނުންގެ ބައިވެރިވުން ފަތުރުވެރިކަމުގެ ދާއިރާގައި ފުޅާކުރުމަށް ސަރުކާރުން މަސައްކަތް ފަށާފައިވާކަން ހާމަކޮށްފައިވާއިރު ފަތުރުވެރިކަން ކުރިއަރުވަން އުފައްދާފައިވާ ކުންފުނީގެ އެމްޑީއަކީ ވެސް އަންހެން ބޭފުޅެކެވެ.

އެމްއެމްޕީއާރުސީއިން ވަނީ ޗައިނީޒު ނިއު އިޔަރ އަކީ ބަރާކަތްތެރި ހަފްލާއެއް ކަމަށްބުނެ އެކަން ޕްރޮމޮޓުކޮށްފައެވެ. މީގެ އިތުރުން އިސްލާމްދީނުގައި ހަރާން އެއްޗެއް ކަމަށްވާ ރާ ވެސް އެމްއެމްޕީއާރުސީއިން އެ ކުންފުނީގެ ވެބްސައިޓުގައި ޕްރޮމޯޓުކޮށްފައިވެއެވެ.

މިކަމުގެ އިތުރު ތަފްސީލު ތަފްސީލު ހޯދާލުމަށް އެމްއެމްޕީއާރުސިގެ މެނޭޖިން ޑިރެކްޓަރ ފާތިމަތު ތައުފީގަށް ގުޅާ މެސެޖު ކުރުމުންވެސް ޖަވާބެއް ދީފައިނުވެއެވެ. އެކަމަނާ ފާހަގަވެފައިވަނީ މީޑޔާތަކާ ވަރަށް ދުރު ބޭފުޅެއްކަމަށެވެ. ޖަވާބުދާރީވުމުގައި އެކަމަނާ އެއްވެސް ވަރަކަށް އެޓެންޑްނުވެއެވެ.

ފާތިމަތު ތައުފީގުގެ އެމްޑީކަމުގައި އިސްލާމް ދީނާ ހިލާފުކަންކަން އެމްއެމްޕީއާރުސީއިން ޕްރޮމޯޓުކުރުމަކީ އިއްތިފާގެއްތޯ ކުރި ސުވާލަށްވެސް އެއްވެސް ކޮމެންޓެއް ލިބިފައިނުވެއެވެ.

މި ބީދައިން ކަންކަން ހިނގަމުން އަންނަ އިރު މި ސަރުކާރަކީ ގިނަ ދީނީ އިލްމުވެރިންގެ ތާއީދާއެކު ގެނެވުނު ސަރުކާރެއް ކަމުގައިވީ ނަމަވެސް އެއިން އިލްމުވެރިއަކުވެސް މިކަމާ ބަހެއް ވިދާޅުނުވާކަން ވެސް ފާހަގަކޮށްލެވެއެވެ.