1445 އަހަރުގެ ޙައްޖުގެ މަތިވެރި އަޅުކަން އަދާކުރުމަށް ސަޢުދީ ޢަރަބިއްޔާއަށް ދިޔަ ދިވެހި ޙައްޖުވެރިންގެ ތެރެއިން މިއަދު 296 ހާޖީން އަނބުރާ ރާއްޖެއަށް އަންނާނެކަމަށް އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވެއްޖެއެވެ.

ޑރ. ޝަހީމް އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ، ހައްޖުގެ މަތިވެރި އަޅުކަން އަދާކުރުމަށް ފަހު މިއަދު 296 ހާޖީން ވަނި ރާއްޖެއަށް އައުމަށް ހަމަޖެހިފައިކަމަށެވެ.

މިއީ ހައްޖުގެ އަޅުކަން އަދާކުރުމަށް ފަހު ރާއްޖެއަށް ހާޖީން އަންނަން ހަމަޖެހިފައި ވާ ފުރަތަމަ ދުވަހެވެ.

ރާއްޖެ އައުމަށް ޙައްޖުވެރިން ފުރާ ދުވަސްތައް:

• މިމަހުގެ 24 ވަނަ ދުވަސް
• މިމަހުގެ 28 ވަނަ ދުވަސް
• އަންނަ މަހުގެ 1 ވަނަ ދުވަސް
• އަންނަ މަހުގެ 4 ވަނަ ދުވަސް

މި އަހަރު ރާއްޖެއިން ޖުމްލަ 1150 މީހުންވަނީ ޙައްޖަށް ގޮސްފައެވެ. މީގެ ތެރެއިން 1 ހައްޖުވެރިޔަކު ވަނީ ނިޔާވެފައިއެވެ.