އިސްލާމިކު މިނިސްޓަރު ޑރ މުހައްމަދު ޝަހީމު އަލީ ސައީދުގެ ދަރިފުޅަކު މެލޭޝިއާ އެމްބަސީގައި ވަޒީފާގައި ހުންނަކަމަށް ބުނާ ބުނުން އެމަނިކުފާނު ތަކުރާރުކޮށް ދޮގުކުރައްވައިފިއެވެ.

ފޭސްބުކްގައި ކުރެއްވި ޕޯސްޓެއްގައި ޑރ ޝަހީމު ވަނީ ރާއްޖޭގެ ބައެއް ނޫސްތަކުގައި އެމަނިކުފާނުގެ ދޮށީ ދަރިކަލުންނާ ގުޅުވާ ލިޔެފައިވާ ލިޔުންތަކަކަށް އިޝާރާތްކުރައްވާ އެމަނިކުފާނުގެ ދަރިކަލުން މެލޭޝިއާ އެމްބަސީގެ ވަޒީފާއެއްގައި ހުންނަ ކަމަށް ބުނާ ބުނުމަށް ރައްދު ދެއްވާފައެވެ.

ޑރ ޝަހީމު ވިދާޅުވެފައިވަނީ، ރާއްޖޭގެ ބައެއް ނޫސްތަކުގައި އެމަނިކުފާނުގެ ދަރިއަކު މެލޭޝިއާގެ އެމްބަސީގައި ވަޒީފާގައި ހުންނަ ކަމަށް ބުނެފައިވާ ބުނުން ތަކުރާރުކޮށް ދޮގުކުރައްވާ ކަމަށެވެ.