ހއ އަތޮޅުން އިން ފެށިގެން ބ އަަތޮޅަށް ހުދު އެލާޓް ނެރެފި

ގަދަ ވަޔާއި، ގުގުރުމާއި އެކުގައި ބޯކޮށް ވާރޭ ވެހޭނެ ކަމަށް ލަފާކޮށް ހުދު އެލާޓް މެޓް އޮފީހުން ނެރެފިއެވެ.

މެޓް އޮފީހުން އެލާޓް ނެރެފައިވަނީ ހއ އަތޮޅުން ފެށިގެން ބ އަތޮޅާއި ހަމައަށެވެ. އަދި ގަޑިއަކު 22 މޭލާއި 27 މޭލާ ދެމެދު ބާރުމިނުގައި ވައިޖެހި ވިލާގަނޑުގައި ގާތްގަނޑަކަށް 50 މޭލަށް ވައިގަދަވެ ކަނޑުތައް ގަދަވާނެކަމަށް ލަފާކޮށްފައިވެއެވެ.

މި އެލާޓް ނެރެފައިވަނީ މިރޭ 19:30 އިން މާދަމާ މެންދުރު 13:30 ގެ ނިޔަލަށެވެ.

މޫސުމް ގޯސްވެ ހިތާމަވެރި ހާދިސާތައް އަބަދުވެސް ކުރިމަތިވާތީ މޫސުމަށް ރައްކާތެރިވުމަށް ކަމާއި ބެހޭ އިދާރާތުން އަންނަނީ އިލްތިމާސްކުރަމުންނެވެ.