މާލޭ ތެރޭ 50 ހަށްވުރެ ގިނަ ޑްރަގް އައްޑާ ހުރި ކަމަށާއި އޭގެތެރޭގައި ސަރުކާރުގެ ބައެއް އިމާރާތްތައްވެސް ހިމެނޭކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެ އެވެ.

މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ ބައްދަލުވުމުގައި ވާހަކަ ދައްކަމުން މިނިސްޓަރު އިހުސާން މިއަދު ވިދާޅުވީ ޑްރަގް އައްޑާތަކުގެ ގޮތުގައި މިނިސްޓްރީން މާލެ ތެރޭގައި 50 ހަށް ވުރެއް ގިނަ ތަން އައިޑެންޓިފައިކުރެވިފައި ހުރިކަމަށެވެ. އެގޮތުން ސަރުކާރުގެ ބައެއް އިމާރާތްތަކާ އަދި އާންމު ފަރާތަކުގެ އިމާރާތްތައް އެބަހުރި ކަމަށާއި އޭގެތެރޭގައި ގިނާއީ ހުސްކޮށް ހުންނަ ، ފަޅުގެތައް ގޮތައް ހުރި ތަންތަންކަމަށް އިހުސާން ފާހަގަކުރެއްވި އެވެ.

އެ މައްސަލާގެ ދާއިމީ ހައްލަަަކަށް އަންނާނީ ހޯމް މިނިސްޓްރީން ސަޕްލައި ރިޑަކްޝަންއަށް ކުރަމުން އަންނަ މަސައްކަތްތަކަށް ހައްލު ލިބިގެންކަމަށް އިހުސާނު ވިދާޅުވިއެވެ. އެގޮތުން އެކަމަށް ބޭނުންވާ ގާނޫނުތައް އެންމެ ގިނަވެގެން މަހެއްހާ ދުވަސްތެރޭގައި މިނިސްޓްރީން ކޮމިޓީއަށް ގެނެސްދޭނެކަމަށައި އެއަަށް ހައްލުތައް ދީފިނަމަ ކުރިއަށްއޮތް 6 މަސް ދުވަސް ތެރޭ އެ މައްސަލަ ހައްލުކުރައްވާނެކަމުގެ ޔަގީންކަން އިހުސާނު ދެއްވި އެވެ.