2024 ވަނަ އަހަރު ރާއްޖޭގައި އުފައްދާފައިވާ 6 ސިޔާސީ ޕާޓީއަކަށް ފައިސާ ބެހިފައިވާ ގޮތް އިލެކްޝަން ކޮމިޝަން (އީސީ) އިން ހާމަކޮށްފިއެވެ.

އީސީން މިކަން ހާމަކޮށްފައިވަނީ އެ އިދާރާގެ އެކްސް ހޭންޑަލްގައި ކުރި ޕޯސްޓެއްގައެވެ.

އެގޮތުން އެ ޕޯސްޓުގައި ވަނީ، ދައުލަތުގެ ބަޖެޓުން މި އަހަރު ދިނުމަށް ހަމަޖެހިފައވަނީ 44،099،905 ރުފިޔާ ކަމަށް ހާމަކޮށްފައެވެ.

މި ފައިސާ ދިނުމަށް ހަމަޖެހިފައިވަނީ އެ ކޮމިޝަނުގައި ރަޖިސްޓްރީ ކޮށްފައިވާ ސިޔާީ ޕާޓީ ތަކުގެ ތެރެއިން 2024 ވަނަ އަހަރުގެ ދައުލަތުގެ ބަޖެޓް މަޖިލީހުން ފާސްކުރި ދުވަހާއި ހިސާބަށް 10،000 މެމްބަރުން ހަމަވެފައިވާ ސިޔާސީ ޕާޓީ ތަކަށެވެ.

މި 6 ޕާޓީގެ ތެރެއިން ޕީއެންސީ ގައި ތިބި މެމްބަރުންގެ ނިސްބަތުން 8،167،689.58 ރުފިޔާ ޖެހުނު ނަމަވެސް ގާނޫނާއި ގަވާއިދާއި ޚިލާފުވެގެން ކޮށްފައިވާ ޖޫރިމަނާގެ ތެރެއިން ނުލިބި ހުރި ފައިސާ އުނި ކުރުމަށް ފަހު އެޕާޓީއަށް ލިބުނު އަދަދަކީ 8،072،689.58 ރުފިޔާ އެވެ.

ޕާޓީތަކަށް ކަނޑއެޅިފައިވާ ފައިސާ ބެހުމަށް ހަމަޖެހިފައިވަނީ ކޮންމެ ބޮލަކަށް 289.62 ރުފިޔާގެ މަގުން ކަމަށް އީސީ އިން ވަނީ ހާމަކޮށްފައެވެ.