ހިދުމަތުގެ އަގުތައް ބޮޑު ކަމަށް ބުނެ އިންޑިއާގެ "މަނިޕާލް ހޮސްޕިޓަލުން" އާސަންދައިގެ ހިދުމަތް ދިނުން ހުއްޓާލައިފިއެވެ.

އިގްތިޞާދީ ހާލަތު ރަނގަޅު ކުރުމަށް ކަމަށް ބުނެ ސަރުކާރުން ހިންގަން ފަށާފައިވާ ޖަރީމާތަކުގެ ތެރެއިން މަނިޕާލް ހޮސްޕިޓަލުގެ އަގުތައް ބޮޑުވުމުގެ ސަބަބުން، މި މަހުގެ 1 ގެ ފަހުން އެ ހޮސްޕިޓަލުން އާސަންދައިގެ ހިދުމަތް އައު ޕޭޝަންޓުންނަށް ދިނުން ވަނީ ހުއްޓާލާފައެވެ.

މިކަމާ ބެހޭގޮތުން އާސަންދައިން ބުނީ މަނިޕާލް ހޮސްޕިޓަލުން އާސަންދައި މި ވަގުތު ލިބެމުންދާނީ ހަމައެކަނި ފޮލޯއަޕަށް ކަމަށާއި އައު ޕޭޝަންޓުންނަށް ހިދުމަތް ދިނުން ހުއްޓާލާފައިވާ ކަމަށެވެ.

މަނިޕާލް ހޮސްޕިޓަލުގެ އަގުތައް މުރާޖާ ކުރުމަށް މަސައްކަތްތަކެއް ކުރަމުން އަންނަ ކަމަށާއި އެގޮތުން އެ ހޮސްޕިޓަލާއެކު ކުރިއަށް އޮތް ދުވަސްތަކުގައި މަޝްވަރާތަކެއް ކުރާނެ ކަމަށް ވެސް އާސަންދައިން ހާމަކޮށްފައިވެއެވެ.

އިންޑިޔާ އަކީ ބޭސްފަރުވާ އަށް ގިނަ ދިވެހީން ދަތުރު ކުރާ ގައުމަކަށް ވާއިރު މިފަދަ ކަމެއް ކުރުމުން ގިނަ ބައެއްގެ ފާޑުކިޔުން ސަރުކާރަށް އަންނަނީ އަމާޒުވަމުންނެވެ.