ރައްޔިތުންނަށް އެންމެ ބޭނުންވަނީ އާސަންދަ ފަދަ ކަންކަން ނަމަވެސް އެފަްދަ ކަންކަމާ ސަރުކާރުން އަޅާ ނުލާކަމަށް ޕީއެންއެފްގެ ރައީސް، ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވީ ޕީއެންއެފްގެ ޓައުން ހޯލް ޖަލްސާއެއްގައި ވާހަކަފުޅު ދައްކަވަމުންނެވެ.

ރައީސް ޔާމީން ވަނީ ރައްޔިތުންނަށް ބޭނުންވާ ހަމައެކަނި އަސާސީ ކަންކަމަކީ ހަމައެކަނި ކާޑާ ތެލާ އެތެރެ ކުރުން ނޫން ކަމަށާ އެންމެ ނިކަމެތިންނަށް އުނދަގޫވާ ކަންކަމަކީ ބޭސް ނުލިބުމާ އާސަންދަ ނުލިބުން ފަދަ ކަންކަމަށް ވިދާޅުވެފައެވެ.

އެމަނިކުފާނު ވަނީ ލަންކާގައި އާސަންދަ އެމްޕަނަލް ކޮށްފައިވާ ހުރި ތަންތަނުންވެސް އެ ހިދުމަތް ނުދީ ހުއްޓާލީ ސަރުކާރުންގެ އިހުމާލުންކަން ވެސް ފާހަގަކުރައްވާފައެވެ. ރައީސް ޔާމީން ވިދާޅުވީ ނަމަވެސް ހިތާމަޔަކީ މިކަންކަމާ ކަންބޮޑުވާނެ ވެރިއެއް މި ގައުމުގައި މިއަދު ނެތުން ކަމަށެވެ.

ރައީސް ޔާމީން ވިދާޅުވީ ގައުމުގެ ކަންކަން ގޯހުންދާއިރު އެކަންކަން ހަމަ މަގަށް އަޅުވަން ތެދުވުމަކީ އެންމެންގެ ޒިންމާއެއް ކަމަށާ އެކަންކަން ސިޔާސީ މީހުންގެ އަތްމައްޗަށް ދޫކޮށްލައިގެން ނުވާނެ ކަމަށެވެ.