މެދުރާއްޖެއިން ފެށިގެން ދެކުނުގެ އަތޮޅުތަކަށް މޯލްޑިވްސް މީޓިއަރޮލޮޖިކަލް ސެންޓަރއިން ހުދު ސަމާލު ނެރެފިއެވެ.

މެޓް އޮފީހުން ރާއްޖޭގެ ބައެއް ހިސާބުތަކަށް ހުދު ސަމާލު ނެރުނީ މޫސުން ގޯސްވާނެ ކަމަށް ލަފާކޮށް ކ. އަތޮޅުން ފެށިގެން އައްޑޫ ސިޓީއަށް ހުދު ސަމާލު ވަނީ ނެރެފައެވެ.

މޫސުން ގޯސްވާނެ ކަމަށް ލަފާކޮށް ހުދު ސަމާލު ނެރެފައިވަނީ ހެނދުނު 9:00 އިން މެންދުރު ފަހު 15:00 އަށެވެ.

ބޯކޮށް ވާރޭވެހުމާއެކު ގުގުރާނެ ކަމަށް ލަފާކޮށްފައިވާ އިރު ވިލާގަނޑުގައި ގަޑިއަކު 45 މޭލަށް ވައި ގަދަވާނެ ކަމަށް ވެސް އެ އިދާރާއިން ހާމަކޮށްފައިވެއެވެ.
ރާއްޖޭގެ އެކި ސަރަހައްދުތަކަށް އިއްޔެއިން ފެށިގެން ދަނީ ވިއްސާރަކުރަމުންކަން ފާހަގަ ކުރެވެއެވެ.