ރައީސް އަބްދުﷲ ޔާމީން އަބްދުލްގައްޔޫމް ބުރާސްފަތި ދުވަހުގެ ރޭ ނޫސްވެރިންނާ ބައްދަލުކުރައްވާނެކަމަށް ޕީޕަލްސް ނެޝަނަލް ފްރޮންޓް (ޕީއެންއެފް) އިން ބުނެފިއެވެ.

ޕީއެންއެފް އިން ބުނީ ބުރާސްފަތި ދުވަހުގެ ރޭ ފްރޮންޓް އޮފީހުގައި ކުރިޔަށްދާ ޖަލްސާގައި ރައީސް ޔާމީނާ ނޫސްވެރިންނަށް ސުވާލު ކުރުމުގެ ފުރުސަތު ލިބިގެންދާނެ ކަމަށެވެ.

ބުރާސްފަތި ދުވަހުގެ ރޭ ފްރޮންޓް އޮފީހުގައި ޖަލްސާ ފެށެން ހަމަޖެހިފައިވަނީ 08:45 ގައެވެ.

މި ޖަލްސާގައި ރައީސް ޔާމީން ވާހަކަފުޅުވެސް ދައްކަވާނެއެވެ.

ދާދިފަހުން ފްރޮންޓް އޮފީހުގައި ކުރިޔަށްދިޔަ ޖަލްސާގައި ވެސް ރައީސް ޔާމީން ވަނީ ވާހަކަފުޅު ދައްކަވާފައެވެ.

އެގޮތުން އެމަނިކުފާނު ވަނީ ސަރުކާރުގެ ހުރި ބައެއް ނޭދެވޭ ކަންތައްތަކުގެ ވާހަކަ ފާހަގަކުރައްވާ ސަރުކާރު ޖަވާބުދާރީ ކުރުމަށް ޕީއެންއެފް އިން މަސައްކަތް ކުރާނެ ކަމަށް ވެސް ވިދާޅުވެފައެވެ.

ފްރޮންޓް އޮފީހުގައި ކުރިޔަށްދާ ޖަލްސާތަކުގައި ގިނަ ފަރާތްތަކުން އަންނަނީ ބައިވެރިވަމުންނެވެ.