

ސިޔާސީ ތިން ޕާޓީއަކުން މިރޭ ފޯރިގަދަ ޖަލްސާތަކެއް ބޭއްވުމަށް ހަމަޖައްސައިފިއެވެ.
އެގޮތުން ރައީސް އަބްދުﷲ ޔާމީން އިސްވެ ހުންނަވާ އުފެއްދެވި ޕާޓީ ޕީޕަލްސް ނެޝަނަލް ފްރޮންޓް (ޕީއެންއެފް) އިންނާ ކުރިގެ ރައީށް އިބްރާހިމް މުހައްމަދު ސޯލިހުގެ އެމްޑީޕީއިންނާ އަދި މިހާރު ވެރިކަން ކުރާ ޕާޓީ ޕީއެންސީއިން ވެސް މިރޭ ވަނީ ޕާޓީތަކުގެ ޖަގަހަ ޖަލްސާތަކެއް ބާއްވަން ނިންމާ ރައްޔިތުންނަށް ދައުވަތު އަރުވާފައެވެ.
ތިން ޖަލްސާ ވެސް ފެށޭނީ މިރޭ 9:00 ގައެވެ. ޕީއެންއެފްގެ ޖަލްސާ ކުރިއަށް ދާނީ ނޫސްވެރިންނަށްވެސް ހުޅުވާލަިއގެން ޓައުން ހޯލު އުސޫލުން ސުވާލުވެސް ކުރެވޭ ގޮތަށެވެ. މީގެ އިތުރުން އެމްޑީޕީގެ ޖަލްސާ ކުރިއަށް ގެންދަނީ "ކުރީ ސަރުކާރު"ގެ ނަމުގައެވެ. އަދި ޕީއެންސީ ޖަލްސާ އޮތީ އެ ޕާޓީގެ ހަރު ގޭގައެވެ.
ރާއްޖޭގެ ސިޔާސީ ޕާޓީތަކަކުން ފޯރި ގަދަ ޖަލްސާތަކެއް ބާއްވާއިރު ގިނަ ބަޔައެއްގެ ސަމާލުކަން ހުރީ ރައީސް ޔާމީންގެ ޕާޓީއިން ބާއްވާ ޖަލްސާއަށް ކަމަށް ގިނަ ބަޔަކު ބުނެއެވެ.