އިސްލާމްދީނަށް ތައުހީނުކޮށް ރަސޫލާ (ޞ.ޢ.ޥ)އަށް ފުރައްސާރަކޮށް ރިޕޯޓު ނެރުނު ލާދިނިއްޔަތަށް ހިތްވަރު ދޭ ޖަމްއިއްޔާ މޯލްޑިވްސް ޑީމޮކްެރެސީ ނެޓްވޯކު (އެމްޑީއެން)ގެ މައްސަލަ މި ސަރުކާރުން ނުބަލާ ސަބަބާ މެދު ރައީސް އަބްދުﷲ ޔާމީން ސުވާލު އުފައްދަވައިފިއެވެ.

ރައީސް ޔާމީން މިކަމާ މެދު ސުވާލު އުފެއްދެވީ ދަ ފްރޮންޓް އޮފީހުގައި ބުރާސްފަތި ދުވަހުގެ ރޭ އޮތް ޖަލްސާގައި ވާހަަކަފުޅު ދައްކަވަމުންނެވެ.

ރާއްޖެއިން ސަމޯއާ އެގްރިމަންޓުމަންޓުގައި ސޮއިކުރިކުރުމަށް އިޝާރާތްލުރައްވާ ވާހަކަފުޅު ދައްކަވަމުން ރައީސް ޔާމީން ވިދާޅުވީ، އެމަނިކުފާނު ގަބޫލުފުޅު ކުރައްވަނީ އިސްލާމްދީނާ ޚިލާފު އެއްވެސް ކަމެއް ސަރުކާރުން ނުކުރާނެ ކަމަށެވެ.

އެ ވާހަކަފުޅުގައި ރައީސް ޔާމީންވަނީ އެމްޑީއެން މައްސަލަ ވެސް މި ސަރުކާރުން ނުބަލާކަން ފާހަގަކުރައްވާފައެވެ. އެގޮތުން އެމްޑީއެން މިހާރު އެމްޑީއެން ޔޫސްޓުބީއަށް ބަދަލުވީތޯ ރައީސް ޔާމީން ވަނީ އައްސަވާފައެވެ.

ރައީސް ޔާމީން ވަނީ މިހާރުވެސް ސަރުކާރުގެ ތެރޭގައި އެމްޑީއެންގެ ރިޕޯޓު ނެރުނު މީހުން ތިބިކަން ވެސް ފާހަގަކުރައްވާފައެވެ. ރައީސް ޔާމީން ވަނީ މި ސަރުކާރުގައި ތިއްބެވީ އެމްޑީއެންގެ މައްސަލައިގައި އެންމެ ބޮޑަށް އެ ވާހަކަތައް ދެއްކެވި ބޭފުޅުން ނަމަވެސް އެއިންކަމެއްގެ ވާހަކަ މިހާރު އެ ބޭފުޅުން ނުބައްލަވާތީ ނުރުހުން އަމާޒުކުރައްވާފައެވެ.

ރައީސް ޔާމީން އެފަދައިން ވިދާޅުވެފައިވާއިރު، އެމްޑީއެން ރިޕޯޓު ނެރުމުގެ އެންމެ އިސް އެއް ފަރާތްކަމަށްވާ އަދުގެ ޕީޖީ ޝަމީމުވެސް މަގާޟުގައި މި ދައުރު ނިމެންދެން ބަހައްޓަން ރައީސް އޮފީހުން ސިއްރު އެއްބަސްވުމެއް ހަދާފައިވާކަމަށް އަޑު ފެތުރިފައިވެއެވެ.